ਇਹ ਸਫ਼ਾ ਪ੍ਰਮਾਣਿਤ ਹੈ
(੨੦੩)
ਬਣ ਜਾ ਰਿਜ਼ਮ ਤਰੇਲ ਪਿਆਰੀ!
ਸੂਰਜ ਵੱਲੇ ਮਾਰ ਉਡਾਰੀ!
ਜੇ ਚੜ੍ਹ ਜਾਵੇਂ ਏਸ ਅਟਾਰੀ!
ਤਾਂ ਤੂੰ ਵੇਖੇਂ ਦੁਨੀਆਂ ਸਾਰੀ!
ਫੁੱਲ ਜੇੜ੍ਹੇ ਏ ਮਹਿਕਣ ਟਹਿਕਣ!
ਦੀਦ ਤੇਰੀ ਨੂੰ ਏਹ ਭੀ ਸਹਿਕਣ!
ਦੁੱਖ ਅੰਦਰ ਨਾ ਆਪਾ ਘੁੱਟੀਂ!
- ਵਾਂਸੀ ਸੂਏ ਵਾਂਗੂੰ ਫੁੱਟੀਂ!
ਜੇ ਇਕ ਵਾਰੀ ਕਰੇਂ ਦਲੇਰੀ!
ਸੁੰਦਰ ਨਿਕਲੇ +ਮੱਟੀ ਤੇਰੀ!
ਲੱਗਣ ਤੈਨੂੰ ਐਸੇ ਫੁੱਮਣ!
ਰਾਗ ਤੇਰਾ ਪਏ ਮੁਖੜਾ ਚੁੰਮਣ!
ਖ਼ੁਸ਼ਬੂ ਵਾਂਗੂੰ ਉੱਡ ਖਲੋਵੀਂ!
ਫੁੱਲਾਂ ਦੇ ਵਿੱਚ ਰੰਗ ਨ ਹੋਵੀਂ!
ਦੇਖ ਨਜ਼ਾਕਤ ਦਾ ਚਮਕਾਰਾ!
ਫਸਿਆ ਹੋਯਾ ਰੰਗ ਵਿਚਾਰਾ!
ਮਹਿੰਦੀ ਭੀ ਜੇ ਬਣਿਓਂ ਯਾਰਾ!
ਖ਼ੂਨ ਕਰਾਕੇ ਦਿਲ ਦਾ ਸਾਰਾ!
ਏਹ ਭੀ ਕੰਮ ਬੇਸਗਨਾ ਤੈਨੂੰ!
ਪੈਰੀਂ ਪੈ ਗਾ ਲਗਨਾ ਤੈਨੂੰ!
- ਵਾਂਸ ਦਾ ਸੂਆ ਇੱਕੋ ਵਾਰੀ ਜ਼ਮੀਨ ਪਾੜਕੇ ਫੁੱਟਦਾ ਏ।
+ਵਾਂਸ ਦੀ ਮੱਟੀ।
