ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਨਿੰਮ੍ਹੀ ਨਿੰਮ੍ਹੀ ਪੈਂਦੀ ਆ ਫੁਹਾਰ
ਦਿਲਾਂ ਦਿਆ ਹਾਏ ਮਹਿਰਮਾਂ ਵੇ
ਕਦੀ ਵਤਨਾਂ ਦੇ ਵਲ ਗੇੜਾ ਮਾਰ

ਨਿੰਮ੍ਹੀ ਨਿੰਮ੍ਹੀ ਪੈਂਦੀ ਆ ਫੁਹਾਰ
ਮਾਹੀ ਜਿਨ੍ਹਾਂ ਕੋਲ ਵਸਦੇ ਵੇ
ਉਹ ਕੀ ਜਾਣਦੇ ਵਿਛੋੜਿਆਂ ਦੀ ਸਾਰ
ਨਿੰਮ੍ਹੀ ਨਿੰਮ੍ਹੀ ਪੈਂਦੀ ਆ ਫੁਹਾਰ

ਇਕ ਬੀਬਾ ਤੇਰੇ ਬਿਨਾਂ ਵੇ
ਸਾਨੂੰ ਝਿੜਕਾਂ ਦੇਵੇ ਸੰਸਾਰ
ਨਿੰਮ੍ਹੀ ਨਿੰਮ੍ਹੀ ਪੈਂਦੀ ਆ ਫੁਹਾਰ

ਠਿਲ ਗਿਓਂ ਲੈ ਕੇ ਬੇੜੀਆਂ ਵੇ
ਸਾਨੂੰ ਕੌਣ ਲੰਘਾਵੇ ਹੁਣ ਪਾਰ
ਨਿੰਮ੍ਹੀ ਨਿੰਮ੍ਹੀ ਪੈਂਦੀ ਆ ਫੁਹਾਰ

ਆ ਮਿਲ ਫੁਲ ਬਣਕੇ ਵੇ
ਘਰ ਪਤਲੀ ਛਮਕ ਤੇਰੀ ਨਾਰ
ਨਿੰਮ੍ਹੀ ਨਿੰਮ੍ਹੀ ਪੈਂਦੀ ਆ ਫੁਹਾਰ

੩੮.