ਦਿਲ ਮਸੋਸ ਕੇ ਬਹਿ ਜਾਣਾ-ਸ਼ੋਕ ਅਤੇ ਚਿੰਤਾ ਵਿੱਚ ਡੁੱਬ ਜਾਣਾ।
ਦਿਲ ਮਿਲਣਾ-ਪਿਆਰ ਪੈ ਜਾਣਾ।
ਦਿਲ ਮੁੱਠ ਵਿੱਚ ਲੈ ਆਉਣਾ-ਡਰ ਪੈਦਾ ਕਰ ਦੇਣਾ।
ਦਿਲ ਮੋਮ ਹੋਣਾ-ਦਿਲ ਪਿਘਲ ਜਾਣਾ, ਨਰਮ ਹੋ ਜਾਣਾ।
ਦਿਲ ਲਾਉਣਾ-ਕਿਸੇ ਕੰਮ ਵਿੱਚ ਮਨ ਲੱਗ ਜਾਣਾ, ਪੂਰਾ ਧਿਆਨ ਦੇਣਾ।
ਦਿਲ ਵਲੇਵੇਂ ਖਾਣੇ-ਡੂੰਘਾ ਅਸਰ ਕਰਨਾ।
ਦਿਲ ਵਿੱਚ ਰਹਿਣਾ-ਕੋਈ ਗੱਲ ਕਿਸੇ ਨੂੰ ਨਾ ਦੱਸਣੀ, ਮਨ ਦੀਆਂ ਮਨ ਵਿੱਚ ਰਹਿਣੀਆਂ।
ਦਿਲ ਵਿੱਚ ਕੰਡਾ ਬਣਕੇ ਚੁੱਭਣਾ-ਬਹੁਤ ਦੁਖੀ ਕਰਨਾ, ਸਤਾਉਣਾ।
ਦਿਲ ਵਿੱਚ ਪਾ ਲੈਣਾ-ਕਦੀ ਵੀ ਨਾ ਭੁੱਲਣਾ, ਯਾਦ ਰੱਖਣਾ।
ਦਿਲ ਵਿੱਚ ਥਾਂ ਦੇਣਾ-ਪਿਆਰ ਕਰਨਾ, ਆਦਰ ਕਰਨਾ।
ਦਿਲ ਵਿੱਚੋਂ ਧੂੰ ਨਿਕਲ਼ਣਾ-ਦਿਲ ਸੜ ਬਲ ਜਾਣਾ, ਹਿਉਕਾ ਨਿਕਲਣਾ।
ਦਿਲ ਵਿੰਨ੍ਹਣਾ-ਬਹੁਤ ਸਤਾਉਣਾ, ਅੰਤਾਂ ਦੀ ਤਕਲੀਫ਼ ਦੇਣੀ।
ਦਿਲਾਂ ਦੇ ਵੈਰ ਨਿਕਲਣਾ-ਪੁਰਾਣੀ ਦੁਸ਼ਮਣੀ ਭੁਲਾ ਕੇ ਮਿੱਤਰ ਬਣ ਜਾਣਾ।
ਦੀਦੇ ਗਾਲ਼ਣਾ-ਵਿਛੋੜੇ ਵਿੱਚ ਅੱਥਰੂ ਕੇਰਨੇ।
ਦੀਵਾ ਗੁਲ ਹੋਣਾ-ਮਰ ਜਾਣਾ, ਖ਼ਤਮ ਹੋ ਜਾਣਾ।
ਦੀਵੇ ਵਿੱਚ ਬੱਤੀ ਨਾ ਹੋਣੀ-ਅਤਿ ਗ਼ਰੀਬੀ ਦੀ ਹਾਲਤ ਹੋਣੀ।
ਦੁਹਾਈ ਪਾਹਰਿਆ ਕਰਨਾ-ਖ਼ਤਰੇ ਵਿੱਚ ਮਦਦ ਲਈ ਰੌਲਾ ਰੱਪਾ ਪਾਉਣਾ
ਦੁਹਾਈਆਂ ਦੇਣਾ-ਸ਼ੋਰ ਮਚਾਉਣਾ, ਤਰਲੇ ਕਰਨੇ।
ਦੁੱਖ ਸੁੱਖ ਫੋਲਣਾ-ਇਕ ਦੂਜੇ ਨਾਲ ਦੁੱਖ ਸੁੱਖ ਫੋਲਣਾ, ਆਪਣੀ ਹਾਲਤ ਦੱਸਣਾ ਤੇ ਦੂਜੇ ਦੀ ਸੁਣਨੀ।
ਦੁੱਖ ਹੌਲ਼ਾ ਕਰਨਾ-ਗੱਲਾਂ ਬਾਤਾਂ ਕਰਕੇ ਦੁੱਖ ਘਟਾਉਣਾ।
ਦੁੱਖ ਕੱਟਣਾ-ਦੁੱਖ ਦੂਰ ਕਰਨਾ।
ਦੁੱਖ ਨੂੰ ਖਾਣਾ-ਦੁੱਖ ਨੂੰ ਵਿਚੇ ਵਿੱਚ ਸਹਿ ਜਾਣਾ।
ਦੁੱਖ ਰੋਣਾ-ਸ਼ਿਕਾਇਤਾਂ ਕਰਨਾ, ਦੁੱਖ ਦੱਸਣਾ।
ਦੁੱਖ ਲੱਗਣਾ-ਗੁੱਸਾ ਲੱਗਣਾ।
ਦੁੱਖ ਵੰਡਣਾ-ਹਮਦਰਦੀ ਕਰਨੀ।
ਦੁੱਖਾਂ ਦੇ ਮੂੰਹ ਆਉਣਾ-ਤਕਲੀਫ਼ਾਂ ਵਿੱਚ ਫਸ ਜਾਣਾ।
ਲੋਕ ਸਿਆਣਪਾਂ/238
