ਪੰਨਾ:ਲੋਕ ਬੁਝਾਰਤਾਂ - ਸੁਖਦੇਵ ਮਾਦਪੁਰੀ.pdf/72


ਇੱਕ ਅਚੰਭਾ ਮੈਂ ਦੇਖਿਆ
ਬਾਹਰ ਲੜਦੇ ਤੀਨ

(ਹਰਨ ਮਗਰ ਦੇ ਕੁੱਤੇ)

ਅੱਖਾਂ ਬੰਨ੍ਹ ਕੇ ਕੋਹਲੂ ਦਾ ਬਲਦ ਕੋਹਲੂ ਦੇ ਆਲੇ ਦੁਆਲੇ ਨਿੱਕੇ ਜਹੇ ਚੱਕਰ ਵਿਚ ਕਈ ਦੋਹਾਂ ਦੀ ਮੰਜ਼ਲ ਮਾਰਦਾ ਹੈ। ਕੋਹਲੂ ਹਿੱਕ ਰਿਹਾ ਤੇਲੀ ਆਪਣੇ ਬਲਦ ਬਾਰੇ ਵੀ ਬੁਝਾਰਤ ਘੜ੍ਹ ਲੈਂਦਾ ਹੈ:-

ਕਈ ਕੋਹਾਂ ਦੀ ਮੰਜ਼ਲ ਕਰੇ
ਫਿਰ ਵੀ ਓਸੇ ਥਾਂ ਤੇ ਫਿਰੇ

(ਕੋਹਲੂ ਦਾ ਬਲਦ)

ਖੋਤੀ ਦੀ ਸ਼ਕਲ ਤੱਕ ਕੇ ਵੀ ਕਈਆਂ ਨੂੰ ਬੁਝਾਰਤਾਂ ਸੁੱਝ ਜਾਂਦੀਆਂ ਨੇ:-

ਘੋੜ ਸੁੰਮੀਂ
ਮਿਰਗ ਨੈਣੀਂ
ਸੰਖ ਵਾਂਙੂੰ ਗੱਜਣੀ
ਧੋਤੀ ਦੇ ਲੜ ਪੰਜ ਰੁਪਏ
ਓਹ ਵੀ ਲੈ ਕੇ ਭਜਣੀ

(ਖੋਤੀ)

ਖੋਤੀ ਦੇ ਚਾਰੇ ਬਾਰੇ ਵੀ ਇਕ ਬੁਝਾਰਤ ਇਸ ਤਰ੍ਹਾਂ ਹੈ:-

ਮੈਂ ਲਿਆਂਦੀ ਮੱਝ
ਓਹਦੇ ਸਿੰਗ ਨਾ
ਮੈਂ ਪਾਈ ਤੂੜੀ
ਓਹਦੇ ਪਸਿੰਦ ਨਾ
ਮੈਂ ਪਾਇਆ ਖੋਰ
ਕਹਿੰਦੀ ਪਾ ਹੋਰ

(ਖੋਤੀ)

68/ ਲੋਕ ਬੁਝਾਰਤਾਂ