ਇਹ ਸਫ਼ਾ ਪ੍ਰਮਾਣਿਤ ਹੈ
ਦੋ ਵੀਰ ਦਈਂ ਵੇ ਰੱਬਾ ਮੇਰੀ ਸਾਰੀ ਉਮਰ ਦੇ ਮਾਪੇ
ਦੋ ਵੀਰ ਦਈਂ ਵੇ ਰੱਬਾ ਇਕ ਮੁਨਸ਼ੀ ਤੇ ਇਕ ਪਟਵਾਰੀ
ਤਿੰਨ ਵੀਰ ਦੇਈਂ ਵੇ ਰੱਬਾ ਇੰਦਰ ਜੁਗਿੰਦਰ ਹਰਨਾਮਾ
ਪੰਜ ਵੀਰ ਦਈਂ ਵੇ ਰੱਬਾ ਬੰਨੀ ਫੌਜ਼ ਬਰੂਮਾ ਨੂੰ ਜਾਵੇ
{ਪਰਮਾਤਮਾ ਦੇ ਦਰ ਉਹਦੀ ਅਰਜ਼ ਕਬੂਲ ਹੋ ਜਾਂਦੀ ਹੈ। ਭਰਾਵਾਂ ਦੀ ਭੈਣ ਹੱਬ ਹੁੱਬ ਕੇ ਆਪਣੇ ਵੀਰਾਂ ਦੀ ਸਿਫ਼ਤ ਕਰਦੀ ਨਹੀਂ ਥੱਕਦੀ:
{ਕੰਨੀਂ ਨੱਤੀਆਂ ਰੋਬਤੀ ਅੱਖੀਆਂ ਉਹ ਮੇਰਾ ਵੀਰ ਕੁੜੀਓ
ਇਕ ਵੀਰ ਬੇਲ ਦਾ ਲੰਬਾ ਦੂਜੀ ਪਗ ਛੱਤਣਾਂ ਨੂੰ ਜਾਵੇ
ਜਿੱਥੇ ਮੇਰਾ ਵੀਰ ਲੰਘਿਆ ਕੌੜੀ ਨਿਮ ਨੂੰ ਪਤਾਸੇ ਲਗਦੇ
ਵੀਰ ਲੰਘਿਆ ਪਜਾਮੇ ਵਾਲਾ ਲੋਕਾਂ ਭਾਣੇ ਠਾਣਾ ਲੰਘਿਆ
ਫੌਜਾਂ ਵਿੱਚ ਵੀਰ ਸਿਆਣਾ ਕੰਨੀਂ ਨੱਤੀਆਂ ਸ਼ਰਬਤੀ ਅੱਖੀਆਂ
ਸਾਡੀ ਪੱਚੀਆਂ ਪਿੰਡਾਂ ਦੀ ਸਰਦਾਰੀ
ਮੇਰੇ ਵੀਰ ਲਾਉਣ ਮਾਮਲਾ
ਲੋਕ ਗੀਤਾਂ ਦੀ ਸਮਾਜਿਕ ਵਿਆਖਿਆ / 26