ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਜਾ ਵੇ ਸਪਾਹੀਆ ਵੇ ਜ਼ਾਲਮਾਂ।
ਬਾਬਲ ਘੋੜਾ ਪੀੜਿਆ
ਮਗਰੇ ਵੀਰਨ ਵੀ ਆ
ਬਾਬਲ ਉਤਰਿਆ ਚੌਂਤਰੇ
ਵੀਰਨ ਇਮਲੀ ਦੀ ਛਾਂ
ਜਾ ਵੇ ਸਪਾਹੀਆ ਵੇ ਜ਼ਾਲਮਾਂ।
ਆਹ ਲੈ ਮੁਰਲਾ ਮੁਗਲ ਦਿਆ ਬੇਟਿਆ
ਘੋੜਾ ਡੇਢ ਹਜ਼ਾਰ
ਹੱਥ ਬੰਨ੍ਹ ਕਰਦਾ ਬੇਨਤੀ
ਧੀ ਨੂੰ ਲਵਾਂਗਾ ਛਡਾ
ਜਾ ਵੇ ਸਪਾਹੀਆ ਵੇ ਜ਼ਾਲਮਾਂ।
ਨਾ ਲਵਾਂ ਤੇਰਾ ਘੋੜਾ
ਨਾ ਮੰਨਾਂ ਤੇਰੀ ਬੇਨਤੀ
ਸੁੰਦਰ ਸੋਹਣੀ ਸਾਥੋਂ ਛੋਡੀ ਨਾ ਜਾ
ਜਾ ਵੇ ਸਪਾਹੀਆ ਵੇ ਜ਼ਾਲਮਾਂ।
ਆਹ ਲੈ ਮੁਗਲਾ ਮੁਗਲ ਦਿਆ ਬੇਟਿਆ
ਬੋਰੀ ਡੇਢ ਹਜ਼ਾਰ
ਹੱਥ ਬੰਨ੍ਹ ਕਰਦਾਂ ਬੇਨਤੀ
ਭੈਣ ਨੂੰ ਲਵਾਂਗਾ ਛੁਡਾ
ਜਾ ਵੇ ਸਪਾਹੀਆ ਵੇ ਜ਼ਾਲਮਾਂ।
ਨਾ ਲਵਾਂ ਤੇਰੀਆ ਬੋਰੀਆਂ
ਨਾ ਮੰਨਾ ਤੇਰੀ ਬੇਨਤੀ
ਸੁੰਦਰ ਸੋਹਣੀ ਸਾਥੋਂ ਛੋਡੀ ਨਾ ਜਾ
ਜਾ ਵੇ ਸਪਾਹੀਆ ਵੇ ਜ਼ਾਲਮਾਂ।
ਆਹ ਲੈ ਮੁਗਲਾ ਮੁਗਲ ਦਿਆ ਬੇਟਿਆ
ਹੀਰੇ ਚਾਰ ਹਜ਼ਾਰ
ਲੋਕ ਗੀਤਾਂ ਦੀ ਸਮਾਜਿਕ ਵਿਆਖਿਆ / 104
