ਲਹਿੰਦੀ ਪੰਜਾਬੀ 'ਸ਼ਬਦ-ਕੋਸ਼'
ਚੌਡਾਂ: ਚੌਦਾਂ
ਖੋਟੇ ਰੁਪਈਏ ਦੀ ਕੋਈ ਡੁਆਨੀ ਨਾ ਡੇਸੀ, ਤੂੰ ਚੌਂਡਾਂ ਆਨੇ ਆਧੈਂ।
(ਖੋਟੇ ਰੁਪਏ ਦੀ ਕਿਸੇ ਦੁਆਨੀਂ ਨਹੀਂ ਦੇਣੀ, ਤੂੰ ਚੌਦਾਂ ਆਨੇ ਭਾਲਦਾ ਹੈਂ)
ਚੌੜ/ਚੌੜ ਚਪੱਟ: ਵਿਗੜੈਲ/ਲਗਾੜੇ
ਬਚੜਾ ਆਪ ਪਹਿਲੂੰ ਚੌੜ ਹਾਈ, ਉਤੂੰ ਚੌੜ ਚਪਟਾਂ ਵਿਚ ਵੰਞ ਵੜਿਐ)
(ਛੋਹਰ ਪਹਿਲਾਂ ਆਪ ਵਿਗੜੈਲ ਸੀ, ਉਤੋਂ ਲਗਾੜਿਆਂ ਵਿਚ ਜਾ ਰਲਿਐ)
(ਛ)
ਛੱਛ ਲੂਣੇ ਪਰਬਤ ਦੀ ਤਲਹਟੀ
ਰੇਤਲੇ ਭਾਗ ਕੋਲੂੰ ਇਸ ਛੱਛ ਵਿਚ ਪੈਦਾਵਰ ਵਧ ਹੇ।
(ਰੇਤਲੇ ਇਲਾਕੇ ਨਾਲੋਂ ਇਸ ਲੂਣੀ ਤਲਹਟੀ ਦੀ ਪੈਦਾਵਾਰ ਵੱਧ ਹੈ)
ਛੱਜ ਵਿਚ ਛਟਣਾ: ਅਪਮਾਨ ਕਰਨਾ
ਜਡੂੰ ਛੱਜ 'ਚ ਪਾਕੇ ਛੁਟਸੀਂ ਤਾਂ ਉਹ ਮਰਸੀ, ਬਿਆ ਕੇ।
(ਜਦੋਂ ਤੂੰ ਉਸ ਦਾ ਅਪਮਾਨ ਕਰੇਗੇਂ ਤਾਂ ਮਰੂ ਹੀ, ਹੋਰ ਕੀ)
ਛੱਟਣ: ਫੋਕਟ
ਇਸ ਗੰਦਮ ਵਿਚ ਛੱਟਣ ਬਹੂੰ ਹੇ।
(ਇਸ ਕਣਕ ਵਿਚ ਫੋਕਟ ਬਹੁਤ ਹੈ)
ਛੱਟੀ: ਛੇਵੇਂ ਦਿਨ ਦੀ ਰੀਤ
ਪੁਤਰ ਦੀ ਛੱਟੀ ਕਰਨੀ ਹਿਸ, ਹੁਧਾਰ ਮੰਗਦੈ।
(ਪੁਤਰ ਦੇ ਜਨਮ ਦੇ ਛੇਵੇਂ ਦਿਨ ਦੀ ਰੀਤ ਕਰਨੀ ਹੈ, ਉਧਾਰ ਮੰਗਦੈ)
ਛੱਡ ਛਡਾ: ਤੋੜ ਵਿਛੋੜਾ
ਵੱਡੀ ਬਿਮਾਰੀ ਦਾ ਪਤਾ ਲਗਾ ਤਾ ਛਡ ਛਡਾ ਥੀ ਗਿਆ।
(ਵਡੀ ਬਿਮਾਰੀ ਦਾ ਪਤਾ ਲਗਾ ਤਾਂ ਤੋੜ ਵਿਛੋੜਾ ਹੋ ਗਿਆ)
ਛੰਡਣਾ ਝਾੜਨਾ
ਤ੍ਰਿਮਦੇ ਕਪੜੇ ਛੰਡ ਕੇ ਸੁਕਣੇ ਪਾਵੇਂ।
(ਚਿਉਂਦੇ ਕਪੜੇ ਝਾੜ ਕੇ ਸੁਕਣੇ ਪਾਈਂ)
ਛੱਣ: ਪਲ
ਇਥੂੰ ਇਸੇ ਛਣ ਭਜ ਵੰਞ, ਮਾਰ ਸਟੇਸਨੀਆ।
(ਇਥੋਂ ਇਸੇ ਪਲ ਦੌੜ ਜਾ, ਮਾਰ ਸਿਟਣਗੇ)
ਛਣਕਣੇ /ਛਣਕਾਰ: ਖਿਡੌਣੇ ਸੰਗੀਤ
ਡੀਂਹ ਡਿਹਾੜੇ ਤਾਂ ਛਣਕਣੇ ਘਿਨਾਡੇ, ਛਣਕਾਰ ਤੇ ਵਿਲਾ ਡੇਸਾਂ।
(ਵਾਰ ਤਿਉਹਾਰ ਤੇ ਤਾਂ ਖਿਡੌਣੇ ਲਿਆਦੇ, ਸੰਗੀਤ ਤੇ ਵਿਰਾ ਲਊਂਗੀ)
(82)
