ਪੰਨਾ:ਲਹਿੰਦੀ ਪੰਜਾਬੀ ਦਾ ਸ਼ਬਦ ਕੋਸ਼.pdf/81

ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਲਹਿੰਦੀ ਪੰਜਾਬੀ 'ਸ਼ਬਦ-ਕੋਸ਼'

ਚਾਵੜ/ਕਾਵੜ: ਗੁਸਾ
ਅਗੂੰ ਨਾ ਬੋਲ, ਪੀਊ ਕੂੰ ਚਾਵੜ/ਕਾਵੜ ਚੜ੍ਹ ਵੈਸੀਆ।
(ਅਗੋਂ ਨਾ ਬੋਲ, ਪਿਉ ਨੂੰ ਗੁਸਾ ਚੜ ਜਾਊ)
ਚਾਲੇ: ਵਿਹਾਰ/ਲੱਛਣ
ਸੰਭਿਲ ਵੰਞ, ਸ਼ੌਹਰ ਦੇ ਚਾਲੇ ਚੰਗੇ ਨਿਨ੍ਹੀਂ।
(ਸੰਭਲ ਜਾ, ਘਰ ਵਾਲੇ ਦੇ ਲੱਛਣ/ਵਿਹਾਰ ਚੰਗੇ ਨਹੀਂ ਨੇ)
ਚਾੜ੍ਹਨਾ: ਧਰਨਾ
ਗਵਾਂਢੀਆਂ ਕੁੱਕੜ ਚੜ੍ਹਿਐ, ਮੈਂ ਬੋਤਲ ਪੱਟਾਂ।
(ਗੁਆਂਢੀਆਂ ਮੁਰਗਾ ਧਰਿਆ ਹੈ, ਮੈਂ ਬੋਤਲ ਦਾ ਡਾਟ ਪੱਟਾਂ)
ਚਾਪਾਂ: ਸੀਨੇ ਦੀਆਂ ਸੀਖਾਂ
ਏਡਾ ਤਫ਼ਰਕਾ, ਮੈਂਡੀ ਕੌਲੀ ਚਾਪਾਂ ਤੇ ਪੁੱਤਰ ਕੂੰ ਕਲੇਜੀ।
(ਏਨਾ ਵਿਤਕਰਾ, ਮੇਰੀ ਕੌਲੀ ਵਿਚ ਸੀਖਾਂ ਤੇ ਪੁਤਰ ਨੂੰ ਕਲੇਜੀ)
ਚਾਵਾਂ: ਚਕਵਾਂ
ਭਾਈ ਘਰ ਘਾਟ ਤਾਂ ਹਿਸ ਕੋਈ ਨਾ, ਚਾਵਾਂ ਚੁਲ੍ਹਾ ਹੇ।
(ਕੋਈ ਘਰ ਘਾਟ ਤਾਂ ਉਸ ਦਾ ਹੈ ਨਹੀਂ, ਚਕਵਾਂ ਚੁਲ੍ਹਾ ਹੈ)
ਚਾਂਵਰ: ਪ੍ਰਾਂਦੀ
ਸ਼ਾਹਰੂੰ ਮੈਕੂੰ ਘੁੰਗਰੀਆਂ ਆਲੀ ਚਾਂਵਰ ਘਿਨਾ ਡਿੱਤੀਸ।
(ਸ਼ਹਿਰੋਂ ਮੈਨੂੰ ਘੁੰਗਰੀਆਂ ਵਾਲੀ ਪ੍ਰਾਂਦੀ ਲਿਆ ਦਿਤੀ ਹੈ)
ਚਿੱਚੜ / ਲੁੱਧੜੀ: ਚਿੰਬੜਿਆ ਹੋਇਆ
ਵਾਸਤੇ ਕੇਈ ਪਾਏ ਹਿਮ, ਪਰ ਇਹ ਚਿਚੜ/ਲੁਧੜੀ ਪਿੱਛੇ ਨਹੀਂ ਲੱਧਾ।
(ਤਰਲੇ ਮੈਂ ਕੀਤੇ ਨੇ, ਪਰ ਇਹ ਚਿੰਬੜਿਆ ਹੈ, ਮਗਰੋਂ ਨਹੀਂ ਲਹਿੰਦਾ)
ਚਿੱਟੇ ਡੀਂਹ: ਦਿਨ ਦਿਹਾੜੇ
ਬਲਾਤਕਾਰ ਤੇ ਬੇਹੁਰਮਤੀਆਂ ਚਿੱਟੇ ਮੀਂਹ ਥੀਵਨ, ਕੋਈ ਤਾਂ ਡੱਕੋ।
(ਬੇਪਤੀਆਂ ਦਿਨ ਦਿਹਾੜੇ ਹੋਵਨ, ਕੋਈ ਤਾਂ ਰੋਕੋ)
ਚਿੱਠਾ: ਲਿਖਤੀ ਵੇਰਵਾ
ਪਾਪੀਆ, ਪਾਪਾਂ ਦਾ ਕੱਚਾ ਚਿੱਠਾ ਤਿਆਰ ਹੈ, ਹਿਸਾਬ ਤਾਂ ਹੋਸੀ।
(ਪਾਪੀਆ, ਪਾਪਾਂ ਦਾ ਵੇਰਵਾ ਲਿਖਿਆ ਗਿਆ ਹੈ, ਲੇਖਾ ਤਾਂ ਹੋਊ)
ਚਿੱਠੀ ਰਸਾਨ: ਡਾਕੀਆ
ਪਿੰਡ ਜੋ ਥੀਆ, ਚਿੱਠੀ ਰਸਾਨ ਕਿੰਨ੍ਹਾਂ ਡਿਹਾੜਿਆਂ ਪਿਛੂੰ ਵਲਸੀ।
(ਪਿੰਡ ਜੋ ਹੋਇਆ, ਡਾਕੀਆ ਕਈ ਦਿਨਾਂ ਪਿਛੋਂ ਮੁੜੁ)
ਚਿਤਾਵਣਾ: ਮਿਹਣੇ ਨਾਲ ਕਹਿਣਾ
ਵਲਾ ਵਲਾ ਕੇ ਚਿਤੈਂਦੀਏਂ, ਮੈਕੂੰ ਕਾਈ ਭੁੱਲ ਹੈ।
(ਵਾਰੀ ਵਾਰੀ ਮਿਹਣੇ ਨਾਲ ਆਖਦੀ ਹੈਂ, ਮੈਥੋਂ ਕੁਝ ਭੁੱਲਿਆ ਹੈ)

(77)