ਇਹ ਸਫ਼ਾ ਪ੍ਰਮਾਣਿਤ ਹੈ
ਤਸਬੀਆਂ ਦੇ ਨਾਲ ਵੀ,
ਜੰਜੂ ਅੜਾਏ ਓਸਨੇ।
ਈਮਾਨ ਕੋਈ ਵੀ ਨਹੀਂ ਸੀ,
'ਮਾਨ' ਉਸ ਸੁਲਤਾਨ ਦਾ।
ਜਾਂ ਕੌਮ ਦੇ ਲੱਖਾਂ ਹੀ ਸੂਰੇ,
ਓਸ ਨੇ ਭਿਚਲਾ ਲਏ।
ਤੇ ਮਾਨ ਸਿੰਘ ਜਹੇ ਤਾਜ਼ ਖੋ,
ਬੈਠੇ ਸੀ ਅਪਣੇ ਮਾਨ ਦਾ।
ਫੇਰ ਵੀ ਜੋ ਫਸਿਆ ਨਾ,
ਰੇਸ਼ਮੀ ਇਸ ਜਾਲ ਵਿਚ।
ਸੂਰਮਾ ਪਰਤਾਪ ਸੀ,
ਪਰਤਾਪ ਹਿੰਦੁਸਤਾਨ ਦਾ।
ਏਦਾਂ ਜਾਂ ਮੰਨੀ ਈਨ ਨਾ,
ਤਾਂ ਸ਼ਹਿਨਸ਼ਾਹ ਦੇ ਹੁਕਮ ਤੋਂ।
ਸ਼ਹਿਨਸ਼ਾਹੀ ਫ਼ੌਜ ਦੀ,
ਤਾਕਤ ਵੀ ਫਿਰ ਅਜ਼ਮਾਈ ਗਈ।
ਤੋਪਾਂ ਤੁਫੰਗਾਂ ਧਮਕੀਆਂ,
ਮੁੜ ਓਸਨੂੰ ਧਮਕਾਣ ਲਈ।
ਇੱਟ ਦੇ ਨਾਲ ਇੱਟ ਵੀ,
ਕਹਿੰਦੇ ਨੇ ਖੜਕਾਈ ਗਈ।
ਅਕਬਰ ਦੇ ਤੀਰਾਂ ਆਖਿਆ,
ਲੱਖ ਵਾਰ ਓਹਨੂੰ ਕਰ ਸੁਲ੍ਹਾ।
-੧੮੧-
