ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਸਾਡੇ ਵਿਹੜੇ ਦਿਆ ਨਿੰਬੂਆ ਵੇ
ਤੇਰੀ ਠੰਡੜੀ ਠੰਡੜੀ ਛਾਂ
ਭਤੀਜਾ ਕੀਹਦਾ ਸੁਣੀਂਦਾ ਵੇ
ਕੀਹਨੇ ਧਰਿਆ ਸੀ ਨਾਂ
ਭਤੀਜਾ ਚਾਚੇ ਦਾ ਸੁਣੀਂਦਾ ਵੇ
ਜੀਹਨੇ ਧਰਿਆ ਸੀ ਨਾਂ
ਭਤੀਜਾ ਚਾਚੇ ਦਾ ਸੁਣੀਦਾ
ਰਾਜਾ ਧਰਿਆ ਸੀ ਨਾਂ
5
ਮੈਂ ਤੈਨੂੰ ਮਾਲਣੇ ਆਖਿਆ
ਉੱਠ ਸਵੇਰੇ ਵਿਹੜੇ ਆ
ਸਵੇਰੇ ਵਿਹੜੇ ਆਣ ਕੇ
ਬਾਗ਼ ਤਲੇ ਵਿਚ ਆ
ਬਾਗ਼ ਤਲੇ ਵਿਚ ਆਣ ਕੇ
ਨੀ ਤੂੰ ਕਲੀਆਂ ਚੁਗ ਲਿਆ
ਕਲੀਆਂ ਨੂੰ ਲਿਆਇਕੇ
ਸਿਹਰਾ ਗੁੰਦ ਲਿਆ
ਸਿਹਰਾ ਗੁੰਦ ਗੁੰਦਾ ਕੇ
ਨੀ ਤੂੰ ਵੀਰਨ ਮੱਥੇ ਲਾ
6
ਵੇ ਵੀਰਾ ਹਰਾ ਸੀ ਫੁੱਲ ਗੁਲਾਬ ਦਾ
ਚੰਦਾ ਕਿੱਥੋਂ ਲਿਆਂਦਾ ਸੀ ਤੋੜ ਕੇ
ਨੀ ਬੀਬੀ ਹਰਾ ਸੀ ਫੁੱਲ ਗੁਲਾਬ ਦਾ
ਬਾਗੋਂ ਲਿਆਂਦਾ ਸੀ ਤੋੜ ਨੀ
ਵੀਰਾ ਕਿਹੜੇ ਦਾਦੇ ਦਾ ਤੂੰ ਪੋਤਰਾ
ਕੀ ਐ ਤੇਰਾ ਨਾਓਂ ਵੇ
ਮਹਿੰਦੀ ਸ਼ਗਨਾਂ ਦੀ/
ਮਹਿੰਦੀ ਸ਼ਗਨਾਂ ਦੀ/74
