ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
41.
ਜਦੋਂ ਵੇ ਵੀਰਾ ਤੂੰ ਜੰਨ ਚੜ੍ਹਿਆ
ਤੇਰੀ ਮਾਂ ਨੇ ਚੱਬੀ ਜਵੈਣ
ਬਹੁ ਲਿਆਂਦੀ ਵਿਆਹ ਕੇ
ਤੇ ਨਫੇ 'ਚ ਲਿਆਇਆ ਨੈਣ
42.
ਡੱਬੀਏ ਚਿਤਰਮ-ਚਿਤਰੀਏ
ਭਰੀਏ ਅਤਰ ਫਲੇਲ
ਵੀਰਨ ਫੁੱਲ ਗ਼ੁਲਾਬ ਦਾ
ਭਾਬੋ ਲਗਰ ਦੀ ਵੇਲ
43.
ਡੱਬੀ ਵੀਰਾ ਤੇਰੀ ਕੰਚ ਦੀ
ਵਿਚ ਮਿਸ਼ਰੀ ਦੀ ਡਲ਼ੀ
ਵੀਰਜ ਫੁੱਲ ਗੁਲਾਬ ਦਾ
ਭਾਬੋ ਚੰਬੇ ਦੀ ਡਲੀ
44.
ਅੱਠ ਜਿੰਦੇ ਨੌਂ ਕੁੰਜੀਆਂ
ਕੁੰਜੀ ਕੁੰਜੀ ਤੌਰ
ਡਰਦੀ ਹੇਰਾ ਨਾ ਲਾਵਾਂ
ਮੇਰੇ ਵੀਰ ਖਲੋਤੇ ਕੋਲ਼
45.
ਅੱਠ ਜਿੰਦੇ ਨੌਂ ਕੁੰਜੀਆਂ
ਕੋਈ ਕੁੰਜੀ ਦੀ ਕੁੰਜੀ ਟੋਲ਼
ਹੇਅਰੇ ਬਥੇਰੇ ਜਾਣਦੀ
ਮੇਰੇ ਵੀਰ ਖੜੋਤੇ ਕੋਲ
.
ਮਹਿੰਦੀ ਸ਼ਗਨਾ ਦੀ/170
