ਪੰਨਾ:ਮਹਿੰਦੀ ਸ਼ਗਨਾਂ ਦੀ - ਸੁਖਦੇਵ ਮਾਦਪੁਰੀ.pdf/120

ਇਹ ਸਫ਼ਾ ਪ੍ਰਮਾਣਿਤ ਹੈ

ਚੱਬੀਂ ਵੇ ਚੱਬੀਂ ਲਾੜਿਆ ਨੌਂ ਮਣ ਦਾਣੇ
ਤੇਰੀ ਬੇਬੇ ਦੇ ਨੌਂ ਵੇ ਨਿਆਣੇ
ਸਾਬਤ ਇਕ ਵੀ ਨਹੀਂ

ਚੱਬੀਂ ਵੇ ਚੱਬੀਂ ਲਾੜਿਆ ਨੌਂ ਮਣ ਦਾਣੇ
ਤੇਰੇ ਕਿੰਨੇ ਬਾਪੂ ਤੇਰੀ ਬੇਬੇ ਜਾਣੇ
ਸਾਬਤ ਇਕ ਵੀ ਨਹੀਂ
46.
ਹਲ਼ ਜਹੀਆਂ ਟੰਗਾਂ
ਪਲਾਹ ਜਹੀਆਂ ਬਾਹਾਂ
ਦੇਖੀਂ ਵੇ ਲਾੜਿਆ
ਤੂੰ ਡਿਗ ਪੈਂਦਾ ਠਾਹਾਂ
ਭਨਾਉਣੀਆਂ ਸੀ ਟੰਗਾਂ
ਭਨਾ ਲਈਆਂ ਬਾਹਾਂ
47.
ਅਸਾਂ ਨਾ ਲੈਣੇ
ਪੱਤਾਂ ਬਾਝ ਕਰੇਲੇ
ਅਸਾਂ ਨਾ ਲੈਣੇ
ਲਾੜਾ ਭੌਦੁ ਐਂ ਝਾਕੇ
ਜਿਵੇਂ ਚਾਮ ਚੜਿਕ ਦੇ ਡੇਲੇ
ਅਸਾਂ ਨਾ ਲੈਣੇ
ਪੱਤਾਂ ਬਾਝ ਕਰੇਲੇ
48.
ਭਲਾ ਮੈਂ ਆਖਦੀ ਵੇ
ਵੇ ਲਾੜਿਆ ਲੱਕੜੀਆਂ ਚੁਗ ਲਿਆ
ਭਲਾ ਮੈਂ ਆਖਦਾ ਨੀ
ਮੇਰੇ ਹੱਥ ਕੁਹਾੜਾ ਨਾ
ਭਲਾ ਮੈਂ ਆਖਦੀ ਵੇ

ਮਹਿੰਦੀ ਸ਼ਗਨਾਂ ਦੀ/124