ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/290

ਇਹ ਸਫ਼ਾ ਪ੍ਰਮਾਣਿਤ ਹੈ

ਚਿੱਤ ਨਾ ਤੀਆਂ ਵਿਚ ਲਗਦਾ
ਯਾਰ ਬੀਮਾਰ ਪਿਆ

ਝੂਠੇ ਦਾਅਵੇ ਮਿੱਤਰਾਂ ਦੇ

ਲੈ ਜਾਣਗੇ ਜਿਨ੍ਹਾਂ ਨੇ ਦੰਮ ਖਰਚੇ

ਮੁੰਡਿਆ ਬਲੋਚਾਂ ਦਿਆ

ਤੇਰੇ ਢੋਲੇ ਰੜਕਦੇ ਹਿੱਕ ਤੇ

ਮੇਰੇ ਯਾਰ ਨੇ ਚੁਬਾਰਾ ਪਾਇਆ

ਚੜ੍ਹਦੀ ਦੇ ਪੱਟ ਫੁਲਗੇ

ਖੱਟੀ ਅਪਣੇ ਖਸਮ ਦੀ ਖਾਈਏ

ਯਾਰ ਦਾ ਨਾ ਘਰ ਪੱਟੀਏ

ਪੱਟੀ ਜਾਵੇਂਗੀ ਕਦੇ ਨੀ ਘਰ ਵਸਣਾ

ਦੋ ਦੋ ਯਾਰ ਰਖਦੀ

ਕੀੜੇ ਪੈਣਗੇ ਮਰੇਂਗੀ ਸੱਪ ਲੜਕੇ

ਮਿੱਤਰਾਂ ਨੂੰ ਦਗਾ ਦੇਣੀਏਂ

ਯਾਰੀ ਲਾਈ ਸੀ ਗੁਆਂਢਣ ਕਰਕੇ

ਘਰ ਬਾਰ ਲੈਗੀ ਲੁੱਟ ਕੇ

ਇਹਦੀ ਪਿੰਡ ਦੇ ਮੁੰਡੇ ਨਾਲ਼ ਯਾਰੀ

ਘੜਾ ਨਾ ਚੁਕਾਇਓ ਕੁੜੀਓ

ਖਸਮਾਂ ਨੂੰ ਖਾਣ ਕੁੜੀਆਂ

ਆਪੇ ਚੁਕ ਲੂੰ ਮੌਣ ਤੇ ਧਰ ਕੇ

ਕਾਹਨੂੰ ਮਾਰਦੈਂ ਚੰਦਰਿਆ ਡਾਕੇ

ਔਖੀ ਹੋਜੂ ਕੈਦ ਕੱਟਣੀ

288 - ਬੋਲੀਆਂ ਦਾ ਪਾਵਾਂ ਬੰਗਲਾ