ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/276

ਇਹ ਸਫ਼ਾ ਪ੍ਰਮਾਣਿਤ ਹੈ

ਤੇਰੇ ਹੱਥ ਵਿਚ ਗੁੱਲੀ ਡੰਡਾ
ਮੇਰੇ ਹੱਥ ਪਟੋਲੇ
ਟੁੱਟੀ ਯਾਰੀ ਤੋਂ
ਬਿਨਾਂ ਗਾਲ਼ ਨਾ ਬੋਲੇ


ਤੇਰੀ ਮੇਰੀ ਲੱਗੀ ਹਾਣੀਆਂ
ਲੱਗੀ ਪਹਿਰ ਦੇ ਤੜਕੇ
ਭੀੜੀ ਗਲ਼ੀ ਵਿਚ ਮੇਲ਼ ਹੋ ਗਿਆ
ਖੜ੍ਹ ਗਿਆ ਬਾਹੋਂ ਫੜ ਕੇ
ਚੁਗਲਖੋਰ ਨੇ ਚੁਗਲੀ ਕੀਤੀ
ਬੋਲ ਕਾਲਜੇ ਰੜਕੇ
ਪੱਕੇ ਪੁਲਾਂ ਤੇ ਹੋਏ ਟਾਕਰੇ
ਟਕੂਏ ਤੇ ਟਕੂਆ ਖੜਕੇ
ਅੱਖੀਆਂ ਪੂੰਝੇਂਂਗੀ-
ਲੜ ਸਾਫੇ ਦਾ ਫੜ ਕੇ


ਆਉਣ ਜਾਣ ਨੂੰ ਨੌਂ ਦਰਵਾਜ਼ੇ
ਖਿਸਕ ਜਾਣ ਨੂੰ ਮੋਰੀ
ਕੱਢ੍ਹ ਕਾਲਜਾ ਤੈਨੂੰ ਦਿੱਤਾ
ਮਾਈ ਬਾਪ ਤੋਂ ਚੋਰੀ
ਚੂਪ ਚਾਪ ਕੇ ਇਉਂ ਸੁੱਟ ਦਿੱਤਾ
ਜਿਉਂ ਗੰਨੇ ਦੀ ਪੋਰੀ
ਟੁੱਟੀ ਯਾਰੀ ਤੋਂ ਸਬਰ ਕਰ ਲਈਏ
ਗਲ ਮੁਕਾਈਏ ਕੋਰੀ
ਰੋਂਦੀ ਚੁੱਪ ਨਾ ਕਰੇ-
ਸਿਖਰ ਦੁਪਹਿਰੇ ਤੋਰੀ

ਚੱਕ ਕੇ ਚਰਖਾ ਰੱਖਿਆ ਢਾਕ ਤੇ

ਕਰ ਲੀ ਕੱਤਣ ਦੀ ਤਿਆਰੀ
ਠੁਮਕ ਨੁਮਕ ਚੱਕਦੀ ਪੱਬਾਂ ਨੂੰ
ਲਗਦੀ ਜਾਨ ਤੋਂ ਪਿਆਰੀ
ਬਗਲੇ ਦੇ ਖੰਭ ਬੱਗੇ ਸੁਣੀਂਦੇ

274- ਬੋਲੀਆਂ ਦਾ ਪਾਵਾਂ ਬੰਗਲਾ