ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/215

ਸੱਸ ਮੇਰੀ ਦੇ ਮਾਤਾ ਨਿਕਲੀ
ਮਾਤਾ ਨਿਕਲੀ ਭਾਰੀ
ਸਹੁਰਾ ਮੇਰਾ ਪੂਜਣ ਉੱਠ ਗਿਆ
ਲੈ ਕੇ ਲਾਲ ਫੁਲਕਾਰੀ
ਜੋਤ ਜਗਾਉਂਦੇ ਨੇ
ਦਾੜ੍ਹੀ ਫੂਕਲੀ ਸਾਰੀ

ਬੱਲੇ ਬੱਲੇ

ਬਈ ਚਿੱਟਾ ਗੁੜ ਪੈ ਗਿਆ ਵੰਡਣਾ
ਸੱਸ ਮਰਗੀ
ਸਹੁਰੇ ਦਾ ਹੋ ਗਿਆ ਮੰਗਣਾ
ਬਈ ਚਿੱਟਾ ਗੁੜ ਪੈ ਗਿਆ ਵੰਡਣਾ

ਸਹੁਰਾ ਮੇਰਾ ਬੜਾ ਸ਼ੁਕੀਨੀ

ਫਿਰਦਾ ਕਲਫ ਲਾ ਕੇ
ਸੱਸ ਮੇਰੀ ਤਾਂ ਤੀਰਥ ਤੁਰਗੀ
ਲਿਆਇਆ ਨਵੀਂ ਵਿਆਹ ਕੇ
ਕਲਫ ਤਾਂ ਉਹਦਾ ਉਦੋਂ ਉਤਰਿਆ
ਜਦੋਂ ਆਇਆ ਨਹਾ ਕੇ
ਕੁੱਟਿਆ ਸੌਂਕਣ ਨੇ-
ਬਾਪੂ ਜੀ ਨੂੰ ਢਾਹ ਕੇ

ਨੂੰਹ ਸਹੁਰੇ ਦੀ ਸੁਣੋ ਵਾਰਤਾ

ਖੋਲ੍ਹ ਸੁਣਾਵਾਂ ਸਾਰੀ
ਨੂੰਹ ਬਹੂ ਮੁਕਲਾਵੇ ਆਈ
ਫਿਰਦੀ ਹਾਰ ਸ਼ਿੰਗਾਰੀ
ਰਾਜ ਕੌਰ ਸੀ ਨਾਮ ਬਹੂ ਦਾ
ਸੋਹਣੀ ਸ਼ਕਲ ਪਿਆਰੀ
ਬਹੂ ਮੁਟਿਆਰ ਪੁੱਤ ਨਿਆਣਾ
ਨੀਤ ਬੁੜ੍ਹੇ ਨੇ ਧਾਰੀ
ਸੂਰਤ ਰਾਜੋ ਦੀ-
ਹੁਸਨ ਭਰੀ ਪਟਿਆਰੀ

213 - ਬੋਲੀਆਂ ਦਾ ਪਾਵਾਂ ਬੰਗਲਾ