ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/177

ਇਹ ਸਫ਼ਾ ਪ੍ਰਮਾਣਿਤ ਹੈ

ਆਵਦੇ ਵੀਰ ਬਿਨਾ-
ਕੌਣ ਸੰਧਾਰਾ ਲਿਆਵੇ

ਹਰੀਆਂ ਹਰੀਆਂ ਕਣਕਾਂ

ਉੱਤੇ ਉਡਣ ਭੰਬੀਰੀਆਂ
ਬੋਲੋ ਵੀਰੋ
ਵੇ ਭੈਣਾਂ ਮੰਗਣ ਜੰਜੀਰੀਆਂ

ਵੀਰ ਮੇਰੇ ਨੇ ਵਹੁਟੀ ਲਿਆਂਦੀ

ਵੀਰ ਮੇਰੇ ਨੇ ਵਹੁਟੀ ਲਿਆਂਦੀ
ਲਿਆਂਦੀ ਮੰਗਲਵਾਰ
ਨੀ ਸੋਨੇ ਦੀਆਂ ਅੱਖੀਆਂ
ਵਿਚ ਕਜਲੇ ਦੀ ਧਾਰ

ਅੱਗੇ ਭੈਣਾਂ ਨੂੰ ਭਾਈ ਲੈਣ ਆਉਂਦੇ

ਹੁਣ ਕਿਉਂ ਆਉਂਦੇ ਨਾਈ
ਵੇ ਮੁਖ ਮੋੜ ਗਏ
ਭੈਣਾਂ ਨਾਲ਼ੋਂ ਭਾਈ

ਅੱਗੇ ਤਾਂ ਭੈਣਾਂ ਨੂੰ

ਬੀਬੀ ਬੀਬੀ ਕਹਿੰਦੇ
ਹੁਣ ਕਿਉਂ ਕਹਿੰਦੇ ਨੀ
ਕਲਜੁਗ ਦੇ ਗੱਭਰੂ-
ਕਿਥੋਂ ਭਾਲਦੇ ਮੀਂਹ

ਹੂੰ ਹਾਂ ਨੀ ਬਾਹਮਣੀ ਦੀ ਗੁੱਤ ਵਰਗਾ

ਕਾਲ਼ਾ ਨਾਗ ਚਰ੍ਹੀ ਵਿਚ ਮੇਲ੍ਹੇ
ਨੀ ਬਾਹਮਣੀ ਦੀ ਗੁੱਤ ਵਰਗਾ
ਹੂੰ ਹਾਂ ਨੀ ਚਿੱਠੀ ਆਈ ਬ੍ਰਹਮਾਂ ਤੋਂ
ਹੂੰ ਹਾਂ ਨੀ ਚਿੱਠੀਏ ਵੀਰ ਦੀਏ
ਤੈਨੂੰ ਚੁਕ ਕੇ ਕਲੇਜੇ ਲਾਵਾਂ
ਨੀ ਚਿੱਠੀਏ ਨੀ ਵੀਰ ਦੀਏ

175 - ਬੋਲੀਆਂ ਦਾ ਪਾਵਾਂ ਬੰਗਲਾ