ਇਹ ਸਫ਼ਾ ਪ੍ਰਮਾਣਿਤ ਹੈ
ਕਹਿੰਦਾ, "ਜਾਤ ਤੋਂ ਕੀ ਲੈਣੈ। ਤੂੰ ਨਾਲ ਤੁਰਪੈ।
ਉਹ ਕਹਿੰਦੀ, "ਕਿਵੇਂ ਕਰ, ਮੈਂ ਤਾਂ ਜਾਤ ਪੁੱਛ ਕੇ ਜਾਊਂ ਮੈਂ ਤਾਂ ਜਾਣਾ ਨੀ।"
ਮੁੜ ਮੁੜ ਕੇ ਉਹਨੂੰ ਜਾਤ ਪੁੱਛੀ ਜਾਵੇ। ਫੇਰ ਉਹ ਹਾਰ ਕੇ ਟੋਭੇ ਦੇ ਕਿਨਾਰੇ ਖੜ੍ਹ ਗਿਆ।ਉਹ ਕਹਿੰਦੀ ਜਾਤ ਦੱਸ।
ਉਹ ਟੋਭੇ ਚ ਬੜ ਕੇ ਕਹਿੰਦਾ :
"ਗਿੱਟੇ ਗਿੱਟੇ ਪਾਣੀ
ਤੂੰ ਮੁੜ ਚਲ ਰਾਣੀ"
ਉਹ ਫੇਰ ਪੁੱਛੀ ਗਈ। ਟੋਭੇ 'ਚ ਹੋਰ ਅਗਾਂਹ ਜਾ ਕੇ ਕਹਿੰਦਾ :
"ਗੋਡੇ ਗੋਡੇ ਪਾਣੀ
ਤੂੰ ਮੁੜ ਚੱਲ ਰਾਣੀ"
"ਮੈਂ ਤਾਂ ਜਾਤ ਪੁੱਛਣੀ ਐਂ ਤਾਂ ਜਾਣੈਂ।"
ਮੁੰਡੇ ਦੇ ਪਾਣੀ ਲੱਕ ਤੱਕ ਆ ਗਿਆ-ਫੇਰ ਗਲ-ਗਲ, ਫੇਰ ਉਹਨੇ ਟੋਭੇ 'ਚ ਟੁੱਭੀ ਮਾਰੀ ਤੇ ਫਣ ਵਖਾ ਕੇ ਪਾਣੀ ਵਿੱਚ ਅਲੋਪ ਹੋ ਗਿਆ।
ਕੁੜੀ ਡੌਰ ਭੌਰ ਹੋਈ ਰੋਣ ਲੱਗ ਪਈ।
21
