ਪੰਨਾ:ਬਾਤਾਂ ਦੇਸ ਪੰਜਾਬ ਦੀਆਂ - ਸੁਖਦੇਵ ਮਾਦਪੁਰੀ.pdf/134

ਇਹ ਸਫ਼ਾ ਪ੍ਰਮਾਣਿਤ ਹੈ

ਲਕ ਟੁਣੂੰ ਟੁਣੂੰ
ਧੂਪ ਪਊ ਸੜ ਜਾਣ ਗੇ
ਲਕ ਟੁਣੂੰ ਟੁਣੂੰ
ਮੀਂਹ ਪਊ ਭਿੱਜ ਜਾਣ ਗੇ
ਲਕ ਟੁਣੂੰ ਟੁਣੂੰ

ਹਾਲੀਆਂ ਨੇ ਵੀ ਜੱਟ ਨੂੰ ਬਥੇਰਾ ਆਖਿਆ ਕਿ ਉਹ ਘੁੱਗੀ ਨੂੰ ਛੱਡ ਦੇਵੇ। ਉਹਨੇ ਪਹਿਲਾਂ ਵਾਲਾ ਹੀ ਉੱਤਰ ਦਿੱਤਾ, “ਮੈਂ ਤਾਂ ਇਹ ਰਾਜੇ ਕੋਲ ਈ ਲਜਾਣੀ ਐਂ, ਇਹਨੇ ਮੇਰਾ ਸਾਰਾ ਬਾਜਰਾ ਚੁਗ ਲਿਐ।”

ਜੱਟ ਘੁੱਗੀ ਨੂੰ ਲੈ ਕੇ ਰਾਜੇ ਦੀ ਕਚਹਿਰੀ ਵਿੱਚ ਚਲਿਆ ਗਿਆ। ਘੁੱਗੀ ਰਾਜੇ ਪਾਸ ਜਾ ਕੇ ਬੋਲੀ :

ਰਾਜਿਆ ਰਾਜ ਕਰੇਂਦਿਆ
ਲਕ ਟੁਣੂੰ ਟੁਣੂੰ
ਟਾਹਲੀ ਮੇਰੇ ਬੱਚੜੇ
ਲਕ ਟੁਣੂੰ ਟੁਣੂੰ
ਹਵਾ ਵਗੁ ਡਿਗ ਪੈਣਗੇ
ਲਕ ਟੁਣੂੰ ਟੁਣੂੰ
ਧੂਪ ਪਉ ਸੜ ਜਾਣ ਗੇ
ਲਕ ਟੁਣੂੰ ਟੁਣੂੰ
ਮੀਂਹ ਪਊ ਭਿੱਜ ਜਾਣਗੇ
ਲਕ ਟੁਣੂੰ ਟੁਣੂੰ

ਰਾਜੇ ਨੇ ਜੱਟ ਦੀ ਇੱਕ ਨਾ ਸੁਣੀ। ਉਹਨੇ ਸਪਾਹੀਆਂ ਨੂੰ ਕਿਹਾ, "ਲਿਆਓ ਬੇੜੀਆਂ ਤੇ ਝਾਂਜਰਾਂ।"

ਰਾਜੇ ਨੇ ਜੱਟ ਦੇ ਬੇੜੀਆਂ ਪਾ ਦਿੱਤੀਆਂ ਤੇ ਘੁੱਗੀ ਦੇ ਪੈਰਾਂ ਵਿੱਚ ਝਾਂਜਰਾਂ।

ਘੱਗੀ ਝਾਂਜਰਾਂ ਛਣਕਾਉਂਦੀ ਹੋਈ ਹਵਾ ਵਿੱਚ ਉਡਦੀ ਗਾ ਰਹੀ ਸੀ।

ਜੱਟ ਬੇੜੀਆਂ ਬਜਾਵੇ
ਘੁੱਗੀ ਝਾਂਜਰਾਂ ਬਜਾਵੇ

130