ਪੰਨਾ:ਪੰਜਾਬੀ ਸਭਿਆਚਾਰ ਦੀ ਆਰਸੀ - ਸੁਖਦੇਵ ਮਾਦਪੁਰੀ.pdf/91

ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ



ਕੋਈ ਲਓ ਸ਼ੇਰ
ਤੇ ਕੋਈ ਲਓ ਹਾਥੀ
ਵੱਡੇ ਵੱਡੇ ਹਾਣੀਓਂ
ਹਾਂ ਜੀ
ਤੁਹਾਡੇ ਲਈ ਇਕ ਚੀਜ਼ ਲਿਆਏ
ਹਾਂ ਜੀ
ਕੋਈ ਲਓ ਗੁਲਾਬ ਦਾ ਫੁੱਲ
ਕੋਈ ਲਓ ਚੰਬੇਲੀ ਦਾ ਫੁੱਲ

ਬੱਚਿਆਂ ਦਾ ਖੇਡ ਸ਼ਾਸ਼ਤਰ ਵੀ ਬਹੁਤ ਨਿਆਰਾ ਹੈ। ਖੇਡਣ ਲਈ ਕੋਈ ਬੱਚਾ ਕਿਸੇ ਦੇ ਘਰ ਸੱਦਣ ਲਈ ਨਹੀਂ ਜਾਂਦਾ ਬਲਕਿ ਗਲੀ ਗੁਆਂਢ ਵਿੱਚ ਹੀ ਕਿਸੇ ਮੋਕਲੀ ਥਾਂ 'ਤੇ ਖੜੋ ਕੇ ਕੋਈ ਜਣਾ ਉੱਚੀ ਆਵਾਜ਼ ਵਿੱਚ ਹੋਕਾ ਦਿੰਦਾ ਹੈ:

ਦੋ ਲੱਕੜੀਆਂ ਦੇ ਕਾਨੇ
ਆਜੋ ਮੁੰਡਿਓ ਟੱਟੀ ਦੇ ਬਹਾਨੇ

ਕੁੜੀਆਂ ਵੀ ਕਿਸੇ ਬੰਨੇ ਤੋਂ ਆਵਾਜ਼ ਬੁਲੰਦ ਕਰਦੀਆਂ ਹਨ:

ਤੱਤਾ ਖੁਰਚਣਾ ਜੰਗ ਜਲੇਬੀ
ਆ ਜਾਓ ਕੁੜੀਓ ਖੇਡੀਏ

ਹੋਰ


ਪਿੱਤਲ ਦੀ ਛਾਨਣੀ ਪਿੱਤਲ ਦਾ ਰੋੜ
ਇਜ਼ਰਾ ਦੀ ਅੰਮੀ ਇਜ਼ਰਾ ਨੂੰ ਟੋਰ
ਪਿੱਤਲ ਦੀ ਛਾਨਣੀ ਪਿੱਤਲ ਦਾ ਰੋੜ
ਸਾਰੇ ਲੋਕੀ ਖੇਡਦੇ, ਇਜ਼ਰਾ ਬੇਬੇ ਕੋਲ

ਕਿਧਰੇ ਕੁੜੀਆਂ ਦੀ ਟੋਲੀ ਰਲਕੇ ਗਾ ਉੱਠਦੀ ਹੈ:

ਆਓ ਭੈਣੋਂ ਖੇਡੀਏ
ਖੇਡਣ ਵੇਲਾ ਹੋਇਆ
ਰੋਟੀ ਕੌਣ ਪਕਾਊਗਾ
ਹੀਰਾ
ਹੀਰੇ ਦੀ ਮੈਂ ਭਾਣਜੀ
ਸੱਭੇ ਗੱਲਾਂ ਜਾਣਦੀ
ਇੱਕ ਗੱਲ ਭੁਲਗੀ
ਬਰੋਟੇ ਵਾਂਗੂੰ ਫੁਲਗੀ

ਪੁੱਗਣ ਮਗਰੋਂ ਆੜੀ ਮੜਿੱਕ ਕੇ ਟੋਲੀਆਂ ਦੀ ਚੋਣ ਕੀਤੀ ਜਾਂਦੀ ਹੈ। ਖੇਡ ਸਮੇਂ ਛੂਹੇ ਜਾਣ ’ਤੇ ਜੇਕਰ ਕੋਈ ਬੱਚਾ ਆਪਣੀ ਦਾਈ ਅਥਵਾ ਪਿਤ/ਮੀਟੀ ਨਾ ਦੇਵੇ ਤਾਂ ਇਹ

87/ਪੰਜਾਬੀ ਸਭਿਆਚਾਰ ਦੀ ਆਰਸੀ