ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੫੫ )
ਜ਼ਿਮੀਂਦਾਰ:-ਜੀ ਓਹ ਤਾਂ ਸਾਡੇ ਕਿਸੇ ਕੰਮ ਦੀ ਨਹੀਂ, ਓਸ ਦਾ ਪਾਣੀ ਤਾਂ ਸਗੋਂ ਸਾਡੀਆਂ ਕੁਝ ਜ਼ਮੀਨਾਂ ਨੂੰ ਹੜ੍ਹ ਕੇ-ਜੇਹੜੇ ਫਸਲ ਅਸੀ ਮੁਰ ਪਿਟਕੇ ਬੀਜੇ ਹੋਏ ਹੁੰਦੇ ਨੇ-ਖਰਾਬ ਕਰ ਦੇਂਦਾ ਹੈ ।
ਸੁਕਰਾਤ:-ਤੁਸੀ ਉਸ ਦਾ ਪਾਣੀ ਆਪਣੀਆਂ ਜ਼ਮੀਨਾਂ ਨੂੰ ਸਿੰਜਣ ਲਈ ਕਿਉਂ ਨਹੀਂ ਵਰਤਦੇ ?
ਜ਼ਿਮੀਂਦਾਰ:-ਅਸੀ ਕਿਸ ਤਰ੍ਹਾਂ ਵਰਤ ਸਕਦੇ ਹਾਂ ?
ਸੁਕਰਾਤ:-ਓਸ ਵਿਚੋਂ ਖਾਲਾਂ ਕੱਢਕੇ ਉਪਰ ਝਲਾਰਾਂ ਕਿਉਂ ਨਹੀਂ ਲਾ ਲੈਂਦੇ ?
ਜ਼ਿਮੀਂਦਾਰ:-ਜੀ ਅਸੀ ਕਦੀ ਏਸ ਤਰ੍ਹਾਂ ਤੇ ਨਹੀਂ ਕੀਤਾ ਤੇ ਨਾ ਈ ਕੋਈ ਸਾਡੇ ਰਵਾਜ ਏ ਤੇ ਨਾ ਈ ਸਾਡੇ ਕੋਲ ਏਸ ਕੰਮ ਲਈ ਪੈਸੇ ਨੇ ।
ਸੁਕਰਾਤ:-ਤੁਸੀ ਸਰਕਾਰੋਂ ਤਕਾਵੀ ਕਿਉਂ ਨਹੀਂ ਲੈਂਦੇ ਜਾਂ ਪਿੰਡਾਂ ਵਾਲੇ ਬੰਕਾਂ ਤੋਂ ਰੁਪਿਆ ਹੁਦਾਰ ਕਿਉਂ ਨਹੀਂ ਲੈ ਲੈਂਦੇ ?
ਜ਼ਿਮੀਂਦਾਰ:-ਜੀ ਛੰਭ ਤਾਂ ਮਈ ਦੇ ਮਹੀਨੇ ਸੱਕ ਜਾਂਦਾ ਏ ।
ਸੁਕਰਾਤ:-ਭਾਵੇਂ ਕੁਝ ਈ ਹੋਵੇ, ਓਹ ਪਾਣੀ ਤੁਹਾਡੀਆਂ ਬਸੰਤ ਰੁੱਤ ਦੀਆਂ ਫਸਲਾਂ ਤਾਂ ਸਿਰੇ ਚਾਹੜ ਈ ਦੇਵੇਗਾ । ਜੇ ਤੁਹਾਡੇ ਵਿਚੋਂ ਕੋਈ ਅਕਲ ਵਾਲਾ ਹੌਵੇ
