ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੨੬ )
ਕਈ ਵਾਰੀ ਪਾਣੀ ਵੀ ਪੀ ਲੈਂਦੇ ਹੋ-ਜਾ ਪੈਂਦੀ ਹੈ?
ਜ਼ਿਮੀਂਦਾਰ:-ਜੀ ਜਾ ਈ ਪੈਂਦੀ ਏ।
ਸੁਕਰਾਤ:-ਖੁਹਾਂ ਦੇ ਲਾਗੇ ਨਿੱਕੀਆਂ ਨਿੱਕੀਆਂ ਛੱਪੜੀਆਂ ਵਿੱਚ ਵੀ ਮਿੱਟੀ ਰੁੜ੍ਹਕੇ, ਜਾ ਪੈਂਦੀ ਹੈ ਤੇ ਏਸ ਤਰ੍ਹਾਂ ਉਹ ਪਾਣੀ ਵੀ ਖਰਾਬ ਹੋ ਜਾਂਦਾ ਹੈ?
ਜ਼ਿਮੀਂਦਾਰ:-ਜੀ ਕਦੀ ਕਦਾਈਂ ਹੋ ਹੀ ਜਾਂਦਾ ਏ।
ਸੁਕਰਾਤ:-ਤੁਹਾਡੀਆਂ ਜੁੱਤੀਆਂ ਨਾਲ ਵੀ ਧੂੜ ਲੱਗ ਜਾਂਦੀ ਹੈ?
ਜ਼ਿਮੀਂਦਾਰ:-ਜੀ ਹਾਂ, ਲੱਗ ਈ ਜਾਂਦੀ ਏ।
ਸੁਕਰਾਤ:-ਜਦ ਤੁਹਾਡੀ ਘਰ ਵਾਲੀ ਆਟਾ ਪੀਂਹਦੀ ਹੋਵੇਗੀ ਤਾਂ ਇਹ ਧੂੜ ਉੱਡ ਉੱਡਕੇ ਉਸ ਆਟੇ ਤੇ ਪੈਂਦੀ ਹੋਵੇਗੀ।
ਜ਼ਿਮੀਂਦਾਰ:-ਜੀ ਹਾਂ।
ਸੁਕਰਾਤ:-ਜਦ ਤੁਹਾਡੀਆਂ ਜ਼ਨਾਨੀਆਂ ਰੋਟੀ ਟੁੱਕਰ ਕਰਦੀਆਂ ਹੋਣਗੀਆਂ ਤਾਂ ਰੋਟੀ ਟੁੱਕ ਤੇ ਵੀ ਧੂੜ ਪੈਂਦੀ ਹੋਵੇਗੀ?
ਜ਼ਿਮੀਂਦਾਰ:-ਜੀ ਹਾਂ।
ਸੁਕਰਾਤ:-ਇਹ ਖੂਹੋਂ ਆਉਂਦਿਆਂ ਆਉਂਦਿਆਂ ਪਾਣੀ ਤੇ ਵੀ ਪੈਂਦੀ ਹੋਵੇਗੀ?