ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੨੪੯ )
ਆਪਣੀ ਕੰਨੀ ਸੁਣਿਆ ਏ, ਪਰ ਜਦ ਅਸਾਡੇ ਰਵਾਜ ਦੀ ਗੱਲ ਆ ਜਾਏ ਤਾਂ ਅਸੀ ਕਿਸੇ ਦੀ ਨਹੀਂ ਸੁਣਦੇ।
ਸੁਕਰਾਤ:-ਜੇ ਤੁਸੀਂ ਨਿੱਕਿਆਂ ਬਾਲਾਂ ਦਾ ਵਿਆਹ ਕਰ ਦਿਓਗੇ ਤਾਂ ਓਹ ਸਚਮੁਚ ਓਸ ਤਰਾਂ ਦੇ ਲੰਮੇ ਚੌੜੇ ਜਵਾਨ ਤੇ ਤਕੜੇ ਨਹੀਂ ਹੋਣਗੇ, ਜੇ ਓਹਨਾਂ ਦਾ ਵਿਆਹ ਵੱਡੇ ਹੋਕੇ ਹੁੰਦਾ।
ਚੌਧਰੀ:-ਤਾਂ ਸੌ ਵਿਸਵਾ ਗੱਲ ਤਾਂ ਏਹੋ ਜਹੀ ਏ।
ਸੁਕਰਾਤ:-ਤੇ ਓਹਨਾਂ ਦੀ ਪੜ੍ਹਾਈ ਦਾ ਵੀ ਹਰਜ ਹੁੰਦਾ ਏ ।
ਚੌਧਰੀ:-ਹਾਂ,ਇਹ ਤਾਂ ਬਿਲਕੁਲ ਠੀਕ ਏ ।
ਸੁਕਰਾਤ:-ਤੇ ਓਹਨਾਂ ਦੇ ਮਨ ਦੀ ਉੱਨਤੀ ਵਿੱਚ ਵੀ ਹਰਜ ਹੋਵੇਗਾ।
ਚੌਧਰੀ:-ਹਾਂ ਜੀ, ਇਹ ਵੀ ਸੱਚ ਏ ।
ਸੁਕਰਾਤ:-ਤੇ ਓਹ ਆਪਣੇ ਆਪ ਨੂੰ ਕਾਬੂ ਰੱਖਣ ਦਾ ਸਬਕ ਵੀ ਕਦੀ ਨਹੀਂ ਸਿਖਣਗੇ ?
ਚੌਧਰੀ:-ਨਹੀਂ, ਜੀ ਕਦੀ ਨਹੀਂ ।
ਸੁਕਰਾਤ:-ਮੇਰੀ ਸਮਝੇ ਜਦ ਨਿੱਕਿਆਂ ਬਾਲਾਂ ਦਾ ਵਿਆਹ ਹੋਵੇਗਾ ਤਾਂ ਓਹਨਾਂ ਦੇ ਘਰ ਅੱਗੋਂ ਬਾਲ ਵੀ ਹੋਣਗੇ।
ਚੌਧਰੀ:-ਆਹੋ ਜੀ, ਮੈਨੂੰ ਵੀ ਏਹਾ ਉਮੈਦ ਏ।