ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੨੦੮ )
ਬ੍ਰਾਹਮਣ:-ਮੈਂ ਮੰਨਦਾ ਹਾਂ ਕਿ ਇਸਦੇ ਜਾਏ ਲਿੱਸੇ ਤੇ ਮਾੜੇ ਹੋਣਗੇ ।
ਸੁਕਰਾਤ:-ਤੇ ਓਹਨਾਂ ਨੂੰ ਬੂਚੜ ਨ ਮਾਰ ਲੈਣਗੇ ?
ਬ੍ਰਾਹਮਣ:-ਸ਼ਰਮ ਕਰ, ਸ਼ਰਮ ਕਰ, ਫਿੱਟੇ ਮੂੰਹ ਈ, ਰੱਬ ਨ ਕਰਾਏ, ਓਹਨਾਂ ਨੂੰ ਬੂਚੜ ਕਦੀ ਨਹੀਂ ਮਾਰਨ ਲੱਗੇ । ਤੈਨੂੰ ਮੇਰੀ ਏਸ ਤਰ੍ਹਾਂ ਬੇਪਤੀ ਕਰਨ ਦਾ ਕਿਸਤਰ੍ਹਾਂ ਹੀਆ ਪਿਆ ਏ ?
ਸੁਕਰਾਤ:-ਜੇਕਰ ਏਹ ਤੁਹਾਡੇ ਕਿਸੇ ਕੰਮ ਨਹੀਂ ਤਾਂ ਤੁਸੀਂ ਜ਼ਰੂਰ ਏਹਨਾਂ ਨੂੰ ਕਿਤੇ ਬਿਲੇ ਲਾਓਗੇ ?
ਬ੍ਰਾਹਮਣ:-ਓਹਨਾਂ ਵਿੱਚੋਂ ਅਸੀਂ ਕੁਝ ਤਾਂ ਜ਼ਰੂਰ ਵੇਚ ਸੁੱਟਾਂਗੇ ।
ਸੁਕਰਾਤ:-ਜਿਹਦੇ ਕੋਲ ਤੁਸੀਂ ਵੇਚੋਗੇ, ਓਹ ਓਹਨਾਂ ਨੂੰ ਨਾ ਮਾਰ ਛੱਡੇਗਾ ?
ਬ੍ਰਾਹਮਣ:-ਕਦੀ ਨਹੀਂ, ਜਿਹਦੇ ਕੋਲ ਅਸੀ ਡੰਗਰ ਵੇਚਦੇ ਹਾਂ, ਉਸ ਕੋਲੋਂ ਅਸੀਂ ਪਹਿਲਾਂ ਸ਼ਰਤ ਕਰਾ ਲੈਂਦੇ ਹਾਂ । ਅਸੀ ਆਪਣੇ ਡੰਗਰ ਬੂਚੜਾਂ ਜਾਂ ਏਹਾ ਜਹੇ ਆਦਮੀਆਂ ਕੋਲ ਨਹੀਂ ਵੇਚਦੇ ।
ਸੁਕਰਾਤ:-ਜੇਹੜਾ ਤੁਹਾਡੇ ਕੋਲੋਂ ਖਰੀਦੇਗਾ ਓਹ ਏਹਨਾਂ ਨੂੰ ਕੀ ਕਰੇਗਾ ?
ਬ੍ਰਾਹਮਣ:-ਮੈਨੂੰ ਤਾਂ ਕੁਝ ਪਤਾ ਨਹੀਂ ।
