ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੨੦੭ )
ਅਮਸੋਸ ਏ, ਪਰ ਕੀ ਕਰਾਂ, ਸੱਚ ਕਦੀ ਨ ਕਦੀ ਮੇਰੇ ਏਸ ਚੰਦਰੇ ਮੂੰਹੋਂ ਨਿਕਲ ਈ ਜਾਂਦਾ ਏ ।
ਬ੍ਰਾਹਮਣ:-ਬੁੱਢਿਆ! ਤੂੰ ਕੂੜ ਮਾਰਨਾ ਏਂ, ਇਹ ਗੱਲ ਸੱਚੀ ਨਹੀਂ ਜੋ ਮੈਂ ਓਹਨਾਂ ਭੈੜੀਆਂ ਗੱਲਾਂ ਦੀ ਜੇਹੜੀਆਂ ਨੂੰ ਆਖੀਆਂ ਨੇ ਪਰਵਸਤੀ ਕਰਨ ਆਂ ।
ਸੁਕਰਾਤ:-ਆਖੋ, ਤੁਸੀਂ ਕਰਦੇ ਓ, ਹੁਣ ਬਹਾਨੇ ਕਿਉਂ ਲਾਂਦੇ ਓ ? ਇਸ ਤਰ੍ਹਾਂ ਕਰਨ ਨਾਲ ਕੰਮ ਸੋਰਨ ਤਾਂ ਨਹੀਂ ਲੱਗਿਆ ।
ਬ੍ਰਾਹਮਣ:-ਇਹ ਕਿਸ ਤਰ੍ਹਾਂ ਸੱਚ ਹੋ ਸਕਦਾ ਏ ?
ਸੁਕਰਾਤ:-ਇਹ ਸਾਹਨ ਭੈੜਾ ਨਹੀਂ ?
ਬ੍ਰਾਹਮਣ:-ਇਹ ਬਹੁਤਾ ਚੰਗਾ ਨਹੀਂ ?
ਸੁਕਰਾਤ:-ਮੈਂ ਆਖਦਾਂ ਜੋ ਇਹ ਡਾਢਾ ਭੈੜਾ ਏ ।
ਬ੍ਰਾਹਮਣ:-ਇਹ ਜਰਾ ਕੁ ਮਾੜਾ ਏ ।
ਸੁਕਰਾਤ:-ਮੈਂ ਆਖਦਾ ਹਾਂ ਕਿ ਇਹ ਤਾਂ ਓਹਾ ਜਿਹਾ ਏ ਜਿਸਨੂੰ ਲੋਕੀ ਡਾਢਾ ਨਖਿੱਧ ਆਖਦੇ ਨੇ ।
ਬ੍ਰਾਹਮਣ:-ਮੈਨੂੰ ਤੁਹਾਡੇ ਡਾਢੇ ਡੂਢੇ ਦੀ ਤਾਂ ਖਬਰ ਨਹੀਂ, ਪਰ ਮੈਂ ਮੰਨਦਾ ਆਂ ਜੋ ਇਹ ਚੰਗਾ ਸਾਹਨ ਨਹੀਂ।
ਸੁਕਰਾਤ:-ਤੇ ਇਸਦੇ ਜਾਏ ਵੱਛੇ ਹਲ ਅੱਗੇ ਵਗਣ ਜੋਗੇ ਨਹੀਂ ਹੋਣ ਲੱਗੇ ਤੇ ਇਸਦੀਆਂ ਵੱਛੀਆਂ ਬਹੁਤਾ ਦੁੱਧ ਨਹੀਂ ਦੇਣ ਲੱਗੀਆਂ।
