ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੨੦੧ )
ਸੁਕਰਾਤ:-ਤੇ ਗਹਿਣਾ ਪਾਣ ਨਾਲ ਦਿਨੋ ਦਿਨ ਘਸਦਾ ਰਹਿੰਦਾ ਏ ।
ਜ਼ਿਮੀਂਦਾਰ:-ਆਹੋ ਜੀ, ਇਹ ਛੇਤੀ ਘੱਸ ਜਾਂਦਾ ਏ ।
ਸੁਕਰਾਤ:-ਜੇਕਰ ਤੁਸੀ ਆਪਣੇ ਰੁਪੈ ਨੂੰ ਕੋਉਪਰੇਟਿਵ ਬੰਕ (ਜ਼ਿਮੀਂਦਾਰੇ ਬੰਕ) ਵਿੱਚ ਜਮ੍ਹਾਂ ਕਰਾਓ ਤਾਂ ਇਹ ਦਿਨੋ ਦਿਨ ਵਧਦਾ ਜਾਏਗਾ।
ਜ਼ਿਮੀਂਦਾਰ:-ਜੀ ਗੱਲ ਤਾਂ ਏਹਾ ਈ ਏ ।
ਸੁਕਰਾਤ:-ਤੁਸੀ ਆਪਣੀ ਸੇਹਤ ਮੱਛਰਦਾਨੀਆਂ ਤੇ ਕੁਨੈਨ ਨ ਵਰਤਣ ਕਰਕੇ ਤੇ ਆਪਣਿਆਂ ਮੁੰਡਿਆਂ ਕੁੜੀਆਂ ਨੂੰ ਮਾਤਾ ਨਾ ਠਕਾ ਕੇ, ਵਗਾੜ ਲੈਂਦੇ ਓ ।
ਜ਼ਿਮੀਂਦਾਰ:-ਆਹੋ ਜੀ ।
ਸੁਕਰਾਤ:-ਤੁਸੀ ਆਪਣਾ ਰੁਪਿਆ ਵਿਆਹ ਸ਼ਾਦੀਆਂ, ਮਰਨੇ ਤੇ ਮੁਕੱਦਮੇ ਬਾਜ਼ੀ ਤੇ ਗੁਆ ਛੱਡਦੇ ਓ ।
ਜ਼ਿਮੀਂਦਾਰ:-ਜੀ ਏਹਨਾਂ ਕੰਮਾਂ ਤੇ ਬੜਾ ਰੁਪਿਆ ਲੱਗ ਜਾਂਦਾ ਏ ।
ਸੁਕਰਾਤ:-ਤੁਸੀ ਬੈਂਕ ਦੇ ਮਿੰਬਰ ਬਣ ਕੇ ੧੨) ਰੁਪੈ ਸੈਂਕੜੇ ਤੇ ਰੁਪਿਆ ਹੁਧਾਰਾ, ਨਹੀਂ ਲੈਂਦੇ ਤੇ ਬਾਹਰ ੩੬) ਰੁਪੈ ਸੈਂਕੜੇ ਦਾ ਬਿਆਜ ਭਰਦੇ ਓ ।