ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੮੯ )
ਸੁਕਰਾਤ:-ਅੱਜ ਕਲ੍ਹ ਤਾਂ ਤੁਸੀ ਆਪਣੀ ਸਾਰੀ ਜ਼ਮੀਨ ਬੀਜਦੇ ਹੋਵੋਗੇ ?
ਜ਼ਿਮੀਂਦਾਰ:-ਜੀ ਬੀਜਣੀ ਪੈਂਦੀ ਏ, ਸਾਡੀ ਵੱਲੋਂ ਬੜੀ ਵੱਧ ਗਈ ਏ, ਏਸ ਲਈ ਅਸੀਂ ਸਾਰੀ ਭੋਂ ਵਾਹ ਲਈ ਏ।
ਸੁਕਰਾਤ:-ਪੁਰਾਣਿਆਂ ਸਮਿਆਂ ਵਿੱਚ ਦੂਜੇ ਤੀਜੇ ਵਰ੍ਹੇ ਮਗਰੋਂ ਭੋਂ ਵਿਰਹਾਲ ਪਈ ਰਹਿੰਦੀ ਸੀ ?
ਜ਼ਿਮੀਂਦਾਰ:-ਜੀ ਪਈ ਰਹਿੰਦੀ ਸੀ ।
ਸੁਕਰਾਤ:-ਤੁਸੀ ਅੱਜ ਕਲ੍ਹ ਜ਼ਮੀਨ ਵਿੱਚ ਰੂੜੀ ਘੱਟ ਈ ਪਾਂਦੇ ਓ ?
ਜ਼ਿਮੀਂਦਾਰ:-ਹਰ ਇੱਕ ਪੈਲੀ ਲਈ ਹਰ ਵਰ੍ਹੇ ਜਿੰਨੀ ਰੂੜੀ ਲੋੜੀਦੀ ਏ ਓਨੀ ਨਹੀਂ ਮਿਲਦੀ ।
ਸੁਕਰਾਤ:-ਰੂੜੀ ਤਾਂ ਜ਼ਮੀਨ ਦੀ ਖੁਰਾਕ ਹੋਈ ਨਾ ?
ਜ਼ਿਮੀਂਦਾਰ:-ਠੀਕ ਏ ਜੀ ।
ਸੁਕਰਾਤ:-ਗੋਹਾ ਜੇਹੜਾ ਤੁਸੀ ਫੂਕ ਛੱਡਦੇ ਓ, ਖੇਤਾਂ ਦੀ ਸਭ ਤੋਂ ਚੰਗੀ ਖੁਰਾਕ ਏ ।
ਜ਼ਿਮੀਂਦਾਰ:-ਹਾਂ, ਹੈ ਵੇ ਜੀ ।
ਸੁਕਰਾਤ:-ਤੇ ਇਹ ਗੋਹਾ ਜ਼ਮੀਨ ਵਿੱਚੋਂ ਦਾਣੇ ਤੇ ਤੂੜੀ ਬਣ ਕੇ ਨਿਕਲਦਾ ਏ ।