ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੮O )
ਜ਼ਿਮੀਂਦਾਰ:-ਆਹੋ ਜੀ ਠੀਕ ਏ ।
ਸੁਕਰਾਤ:-ਤਾਂ ਤੁਸੀ ਮਾਲੀ ਦੇ ਪੂਰਨਿਆਂ ਤੇ ਟੁਰਕੇ ਮਹਿੰਗੇ ਭਾ ਵਿਕਣ ਵਾਲੀਆਂ ਫਸਲਾਂ ਬੀਜਕੇ ਦਿੱਲੀ ਤੋਂ ਲਾਹ ਕਿਉਂ ਨਹੀਂ ਖੱਟਦੇ ਤੇ ਆਪਣੇ ਮੌਜਾਂ ਕਰਦੇ ?
ਜ਼ਿਮੀਂਦਾਰ:-ਅਸੀ ਏਹਨਾਂ ਗੱਲਾਂ ਵੱਲ ਕਦੀ ਧਿਆਨ ਈ ਨਹੀਂ ਸੀ ਕੀਤਾ । ਅਸੀਂ ਏਹੋ ਜੇਹੇ ਫਸਲ ਬੀਜਣੇ ਮਾਲੀਆਂ ਦੇ ਪੇਟੇ ਪਾਏ ਹੋਏ ਨੇ ।
ਸੁਕਰਾਤ:-ਜ਼ਿਮੀਂ ਤੋਂ ਬਹੁਤਾ ਨਫਾ ਲੈਣਾ ਵੀ ਕੋਈ ਬੇਪਤੀ ਦਾ ਕੰਮ ਏ ?
ਜ਼ਿਮੀਂਦਾਰ:-ਉੱਕੀ ਨਹੀਂ, ਇਹ ਤਾਂ ਸਗੋਂ ਸਭ ਤੋਂ ਅਕਲਵੰਦੀ ਦੀ ਗੱਲ ਏ ।
ਸੁਕਰਾਤ:-ਹੁਣ ਤਾਂ ਤੁਸੀ ਹਲਟ ਲਾਏ ਹੋਏ ਨੇ ?
ਜ਼ਿਮੀਂਦਾਰ:-ਆਹੋ ਜੀ ।
ਸੁਕਰਾਤ:-ਪਰ ਇਹ ਵਰ੍ਹੇ ਵਿੱਚ ਛੇ ਮਹੀਨੇ ਵੇਹਲੇ ਪਏ ਰਹਿੰਦੇ ਨੇ ।
ਜ਼ਿਮੀਂਦਾਰ:-ਜੀ ਕੀ ਆਖਾਂ, ਪਏ ਈ ਰਹਿੰਦੇ ਨੇ । ਅਸੀ ਤਾਂ ਹਲਟ ਹਾੜੀ ਦੇ ਫਸਲਾਂ ਨੂੰ ਪਾਣੀ ਦੇਣ ਲਈ ਚਲਾਂਦੇ ਹਾਂ।
