ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੭੭ )
ਜ਼ਿਮੀਂਦਾਰ:-ਠੀਕ ਏ ਜੀ।
ਸੁਕਰਾਤ:-ਤਾਂ ਕੀ ਇਹ ਵਧੇਰੀ ਅਕਲ ਦੀ ਅਕਲ ਨ ਹੋਵੇਗੀ ਜੇ ਤੁਸੀ ਆਪਣਾ ਕਣਕ ਦਾ ਬੀ ਆਮ ਦੁਕਾਨਦਾਰਾਂ ਤੋਂ ਲੈਣ ਦੀ ਥਾਂ ਸਰਕਾਰ ਦੇ ਬੀ ਦੇ ਅਜੰਟ ਪਾਸੋਂ ਖਰੀਦੋ ?
ਜ਼ਿਮੀਂਦਾਰ:-ਸੁਕਰਾਤ ਦੀ ਗੱਲ ਤਾਂ ਇਹ ਸੱਚੀ ਏ,ਪਰ ਸਰਕਾਰ ਤਾਂ ਨਗਦ ਰੁਪਿਆ ਮੰਗਦੀ ਏ ।
ਸੁਕਰਾਤ:-ਤੁਸੀ ਸਰਕਾਰੋਂ ਤਕਾਵੀ ਨਹੀਂ ਲੈ ਸਕਦੇ ?
ਜ਼ਿਮੀਂਦਾਰ:-ਜੀ ਤਕਾਵੀ ਤਾਂ ਮੰਗਿਆਂ ਮਿਲਣੀ ਹੋਈ।
ਸੁਕਰਾਤ:-ਬਾਣੀਆਂ ਤੁਹਾਡੇ ਕੋਲੋਂ ਕੀ ਬਿਆਜ ਲੈਂਦਾ ਏ ?
ਜ਼ਿਮੀਂਦਾਰ:-ਜੇ ਬੀ ਲਈਏ ਤਾਂ ਪੰਜਾਹ ਰੁਪੈ ਸੈਂਕੜਾ ਬਿਆਜ ਲੈਂਦਾ ਏ ?
ਸੁਕਰਾਤ:-ਤੁਹਾਡੇ ਪਿੰਡ ਜ਼ਿਮੀਂਦਾਰਾ ਬੰਕ (ਕੋਉਰੇਟਿਵ ਬਕ) ਵੀ ਹੋਵੇਗਾ ?
ਜ਼ਿਮੀਂਦਾਰ:-ਜੀ ਹਾਂ ।
ਸੁਕਰਾਤ:-ਬੰਕ ਵਾਲੇ ਕੀ ਬਿਆਜ ਲੈਂਦੇ ਨੇ ?
ਜ਼ਿਮੀਂਦਾਰ:-ਮੇਰਾ ਖਿਆਲ ਏ ਜੋ ਓਹ ਬਾਰ ਰੁਪੈ ਸੈਂਕੜਾ ਲੈਂਦੇ ਨੇ ।