ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੬੮ )
ਸੁਕਰਾਤ:-ਤੁਸੀ ਇੱਕ ਟੋਏ ਨੂੰ ਵਰ੍ਹੇ ਵਿੱਚ ਇੱਕ ਵਾਰੀ ਤੇ ਕਦੀ ਕਦੀ ਦੋ ਵਾਰੀ ਵੇਹਲਾ ਕਰਦੇ ਹੋਵੋਗੇ ?
ਜ਼ਿਮੀਂਦਾਰ:-ਜੀ ਹਾਂ ।
ਸੁਕਰਾਤ:-ਜੇ ਇੱਕ ਟੋਏ ਦੀ ਰੂੜੀ ਖੇਤ ਵਿੱਚ ਪਾਈ ਜਾਏ ਤਾਂ ਘੱਟ ਤੋਂ ਘੱਟ ਕੋਈ ਤੀਹਾਂ ਰੁਪਿਆਂ ਦੀ ਜ਼ਿਆਦਾ ਪੈਦਾਵਾਰ ਹੁੰਦੀ ਹੋਵੇਗੀ ? ?
ਜ਼ਿਮੀਂਦਾਰ:-ਸੁਕਰਾਤ ਜੀ ਨਹੀਂ ਕੋਈ ਸੌ ਕੁ ਰੁਪੈ ਦੀ ਵਾਧੂ ਪੈਦਾਵਾਰ ਹੁੰਦੀ ਹੋਵੇਗੀ ।
ਸੁਕਰਾਤ:-ਤੁਸੀ ਬਹੁਤੇ ਵਾਧੇ ਨਾ ਕਰੋ, ਤੀਹ ਹੀ ਗਿਣੋ। ਏਸੇ ਲੇਖੇ ਇਸ ਵਾਧੂ ਪੈਦਾਵਾਰ ਦਾ ਕੀ ਮੁੱਲ ਹੋਇਆ ?
ਸਕੂਲ ਦਾ ਮੁੰਡਾ:-ਸੁਕਰਾਤ ਦੀ ਪੈਂਤੀ ਲੱਖ।
ਸੁਕਰਾਤ:-ਐਤਕੀ ਤਾਂ ਬੱਚੂ ਠੀਕ ਹਸਾਬ ਜੋੜਿਆ ਈ । ਪਿੰਡ ਵਿੱਚ ਸਫਾਈ ਰਹਿਣ ਨਾਲ ਜੇਹੜੀ ਬਿਮਾਰੀ ਘਟ ਗਈ ਏ ਤੇ ਜੇਹੜਾ ਤਾਪ ਘਟ ਗਿਆ ਏ ਉਸ ਤੋਂ ਕੀ ਖੱਟਿਆ ਜੇ ?
ਜ਼ਿਮੀਂਦਾਰ:-ਜੀ ਉਸਦਾ ਵੀ ਕੋਈ ਮੁੱਲ ਏ ।
ਸੁਕਰਾਤ:-ਤੇ ਜੇਹੜੇ ਬਾਰਾਂ ਸੌ ਹਲਟ ਅੱਜ ਕੱਲ੍ਹ ਪਏ ਚਲਦੇ ਨੇ ।
ਜ਼ਿਮੀਂਦਾਰ:-ਜੀ ਓਹ ਤਾਂ ਪੱਕੀ ਸੋਨੇ ਦੀ ਖਾਨ ਨੇ।
