ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੬੭ )
ਸੁਕਰਾਤ:-ਤਾਂ ਕੀ ਅਸੀਂ ਇੱਕ ਜਾਏ ਦਾ ਮੁੱਲ ਕੋਈ ਤੀਹ ਰੁਪੈ ਪਾਈਏ ?
ਜ਼ਿਮੀਂਦਾਰ:-ਜੀ ਇਹ ਤਾਂ ਦਾਅ ਮੇਚ ਦਾ ਈ ਏ।
ਸੁਕਰਾਤ:-ਤਾਂ ਪੈਂਤੀ ਹਜ਼ਾਰ ਨੂੰ ਜੇ ਤੀਹਾਂ ਨਾਲ ਜ਼ਰਬ ਦਈਏ ਤਾਂ ਕੀ ਬਣਿਆ ?
ਸਕੂਲ ਦਾ ਮੁੰਡਾ:-ਇਕ ਲੱਖ ਪੰਜ ਹਜ਼ਾਰ ।
ਸੁਕਰਾਤ:-ਬੱਚੂ ਜ਼ਰਾ ਸੋਚਕੇ ਦੱਸ
ਪਟਵਾਰੀ:-ਜੀ ਸਾਢੇ ਦਸ ਲੱਖ ।
ਸੁਕਰਾਤ:-ਏਹ ਠੀਕ ਏ । ਸਾਢੇ ਦਸ ਲੱਖ ਪਿਆ ਵਰ੍ਹੇ ਦਾ, ਤੇ ਓਹਨਾਂ ਟੋਇਆਂ ਦੀ ਰੂੜੀ ਦਾ ਮੁੱਲ ਕੀ ਹੋਇਆ ? ਟੋਇਆਂ ਵਿੱਚ ਕੂੜਾ ਸ਼ੂੜਾ ਦੱਬਣ ਨਾਲ ਤੁਹਾਨੂੰ ਢੇਰ ਸਾਰੀ ਰੂੜੀ ਮਿਲਦੀ ਏ ?
ਜ਼ਿਮੀਂਦਾਰ:-ਜੀ ਢੇਰ ਸਾਰੀ ।
ਸੁਕਰਾਤ:-ਇਸ ਵਿੱਚ ਪੁਰਾਣੇ ਢੇਰਾਂ ਦੀ ਰੂੜੀ ਨਾਲੋਂ ਟਿੱਲ ਵੀ ਜ਼ਿਆਦਾ ਹੁੰਦਾ ਏ ?
ਜ਼ਿਮੀਂਦਾਰ:-ਜੀ ਬਹੁਤ ਜ਼ਿਆਦਾ ।
ਸੁਕਰਾਤ:-ਅੱਜ ਕੱਲ੍ਹ ਕੋਈ ਪੰਜਾਹ ਕੁ ਹਜ਼ਾਰ ਟੋਏ ਹੋਣਗੇ ?
ਜ਼ਿਮੀਂਦਾਰ:-ਜੀ ਲੋਕੀ ਆਖਦੇ ਨੇ ।