ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੬੬ )
ਜ਼ਿਮੀਂਦਾਰ:-ਜੀ ਠੀਕ ਸੱਤ ਕੁ ਸੌ ਹੀ ਨੇ ।
ਸੁਕਰਾਤ:-ਮੇਰੀ ਸਮਝੇ ਇੱਕ ਸਾਹਨ ਤੋਂ ਵਰ੍ਹੇ ਵਿੱਚ ਕੋਈ ਪੰਜਾਹ ਵੱਛੇ ਵੱਛੀਆਂ ਹੋਂਦੇ ਹੋਣਗੇ ?
ਜ਼ਿਮੀਂਦਾਰ:-ਨਹੀਂ ਜੀ, ਵੱਧ ਤੋਂ ਵੱਧ ਕੋਈ ੭੫ ਜਾਂ ਸੌ ਕੁ ਹੁੰਦੇ ਹੋਣਗੇ ।
ਸੁਕਰਾਤ:-ਤੁਸੀ ਪੰਜਾਹ ਈ ਸਮਝੋ, ਤੁਸੀ ਦੱਸੋ ਏਸ ਲੇਖੇ ਸੱਤ ਸੌ ਸਾਹਨ ਦੇ ਵਰ੍ਹੇ ਵਿੱਚ ਕਿੰਨੇ ਜਾਏ ਹੋਏ ?
ਇੱਕ ਸਕੂਲ ਦਾ ਮੁੰਡਾ:-ਸੁਕਰਾਤ ਜੀ ! ਪੈਂਤੀ ਹਜ਼ਾਰ ।
ਸੁਕਰਾਤ:-ਮੇਰਾ ਖਿਆਲ ਏ ਤੇਰਾ ਪਿਉ ਤਾਂ ਏਹ ਲੇਖਾ ਨ ਕਰ ਸਕਦਾ । ਮਾੜੇ ਮਾੜੇ ਸਾਹਨਾਂ ਦਿਆਂ ਵੱਛਿਆਂ ਨਾਲੋਂ ਏਹਨਾਂ ਸਾਹਨਾਂ ਦੇ ਜਾਇਆਂ ਦਾ ਮੁੱਲ ਕਿੰਨਾ ਵੱਧ ਏ ?
ਜ਼ਿਮੀਂਦਾਰ:-ਜੀ ਪੰਝੀਆਂ ਤੋਂ ਲੈ ਕੇ ਸੌ ਤੀਕ ਸਮਝ ਲਓ ।
ਸੁਕਰਾਤ:-ਤਿੰਨਾਂ ਚਹੁੰ ਵਰ੍ਹਿਆਂ ਮਗਰੋਂ ਏਹਨਾਂ ਸਾਹਨਾਂ ਦੀਆਂ ਵੱਛੀਆਂ ਸੂਣਗੀਆਂ ਤੇ ਏਸ ਤਰ੍ਹਾਂ ਹੋਰ ਵਾਧਾ ਹੋਵੇਗਾ ?
ਜ਼ਿਮੀਂਦਾਰ:-ਜੀ ਜ਼ਰੂਰ ਹੋਵੇਗਾ ।