ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੫੭ )
ਲੰਬਰਦਾਰ:-ਕਿਸ ਤਰਾਂ ਦੇਈਏ ?
ਸੁਕਰਾਤ:-ਉਸ ਨੂੰ ਸਕੂਲੇ ਪੜ੍ਹਣ ਲਈ ਘੱਲੋ ।
ਲੰਬਰਦਾਰ:-ਸਾਡੇ ਪਿੰਡ ਤਾਂ ਕੁੜੀਆਂ ਦਾ ਕੋਈ ਸਕੂਲ ਨਹੀਂ, ਓਹਨਾਂ ਨੂੰ ਕਿੱਥੇ ਘੱਲੀਏ ?
ਸੁਕਰਾਤ:-ਮੁੰਡਿਆਂ ਦਾ ਸਕੂਲ ਤੇ ਹੈ ਨਾ ?
ਲੰਬਰਦਾਰ:-ਹੈ ਏ ਜੀ ।
ਸੁਕਰਾਤ:-ਬਾਲਾਂ ਨੂੰ ਕਿਸ ਨੇ ਪਾਲਣਾ ਪੋਸ਼ਣਾ ਏ, ਪਿਉ ਨੇ ਜਾਂ ਮਾਂ ਨੇ ?
ਲੰਬਰਦਾਰ:-ਜੀ ਮਾਂ ਨੇ ।
ਸੁਕਰਾਤ:-ਤਾਂ ਮੁੰਡਿਆਂ ਦੀ ਥਾਂ ਕੁੜੀਆਂ ਨੂੰ (ਜੋ ਸਮਾਂ ਪਾ ਕੇ ਮਾਵਾਂ ਬਨਣਗੀਆਂ) ਸਕੂਲੇ ਕਿਉਂ ਨਹੀਂ ਘੱਲਦੇ ? ਕੁੜੀਆਂ ਦੇ ਸਕੂਲ ਦੀ ਐਡੀ ਡਾਢੀ ਲੋੜ ਹੁੰਦਿਆਂ ਤੁਸੀ ਮੁੰਡਿਆਂ ਲਈ ਸਕੂਲ ਕਿਉਂ ਖੋਲ੍ਹਿਆ, ਹੋਇਆ ਏ ? ਤੁਹਾਡੇ ਮੁੰਡੇ ਕੁੜੀਆਂ ਇੱਕੋ ਸਕੂਲ ਕਿਉਂ ਨ ਪੜ੍ਹਣ ?
ਲੰਬਰਦਾਰ:-ਸਕਰਾਤ ਜੀ ਭੋਲੀਆਂ ਗੱਲਾਂ ਨ ਕਰੋ, ਤੁਸੀ ਜਾਣਦੇ ਓ ਜੋ ਇਹ ਗੱਲ ਕਦੀ ਹੋਣੀ ਈ ਨਹੀਂ।
ਸੁਕਰਾਤ:-ਲੰਬਰਦਾਰ ਜੀ ਕਿਓਂ ਨਹੀਂ ਹੋਣੀ ?
ਲੰਬਰਦਾਰ:-ਮੁੰਡੇ ਮੁੰਡੇ ਹੋਏ, ਕੁੜੀਆਂ ਕੁੜੀਆਂ
