ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੧੪ )
ਪਟਵਾਰੀ:-ਬੇਸ਼ੱਕ ਹੋ ਸਕਦਾ ਏ, ਕੀ ਅਸੀਂ ਸਰਕਾਰੀ ਨੌਕਰ ਹੋਣ ਕਰਕੇ ਹਾਕਮ ਨਹੀਂ?
ਸੁਕਰਾਤ:-ਪਰ ਨੋਕਰ ਦਾ ਕੰਮ ਤਾਂ ਆਪਣੇ ਸਾਈਂ ਦੀ ਸੇਵਾ ਕਰਨਾ ਏ, ਓਹ , ਹਾਕਮ ਕਿਸ ਤਰ੍ਹਾਂ ਹੋ ਸਕਦਾ ਏ?
ਪਟਵਾਰੀ:-ਅਸੀ ਸਰਕਾਰੀ ਨੌਕਰ ਹਾਂ, ਏਸ ਲਈ ਹਾਕਮ ਹਾਂ, ਜ਼ਰਾ ਖਿਆਲ ਕਰ ਤੂੰ ਸਾਡੀ ਕਿਸ ਤਰ੍ਹਾਂ ਬੇਪਤੀ ਕਰਨਾ ਏਂ।
ਸੁਕਰਾਤ:-ਹੱਛਾ ਜੀ, ਮੈਂ ਚੰਗੀ ਤਰ੍ਹਾਂ ' ਖਿਆਲ ਰੱਖਾਂਗਾ, ਪਰ ਜੇ ਤੁਸੀਂ ਗੁੱਸਾ ਨ ਕਰੋ ਤਾਂ ਮੈਂ ਇੱਕ ਗੱਲ ਪੁੱਛਾਂ? ਮੈਂ ਬੜਾ ਹਰਾਨ ਹਾਂ ਕਿ ਨੌਕਰ ਹੋ ਕੇ ਤੁਸੀ ਸੇਵਾ ਕਿਸ ਦੀ ਕਰਦੇ ਓ?
ਪਟਵਾਰੀ:-ਓ ਬੁੱਢਿਆ ਉੱਲੂਆ, ਤੈਨੂੰ ਪਤਾ ਨਹੀਂ, ਸਰਕਾਰ ਦੀ, ਹੋਰ ਕਿਦ੍ਹੀ?
ਸੁਕਰਾਤ:-ਪਰ ਦੱਸੋ ਤਾਂ ਸਹੀ ਓਹ ਸਰਕਾਰ ਹੈ ਕੀ ਬਲਾ? ਕੀ ਓਹ ਕੋਈ ਆਦਮੀ ਏ ਜਾਂ ਕੋਈ ਹੋਰ ਸ਼ੈ ਏ? ਓਹ ਚੱਲਦੀ ਕਿਸ ਤਰ੍ਹਾਂ ਏ?
ਕਾਨੂਗੋ:-ਪਟਵਾਰੀ ਜੀ, ਤੁਸੀਂ ਜਾਓ ਤੇ ਮਾਮਲੇ ਦੀ ਬਾਛਾ ਦਾ ਹਿਸਾਬ ਕਰੀ ਜਾਓ ਤੇ ਮੈਂ ਏਸ ਨਾਲ ਭੁਗਤਦਾ ਹਾਂ। ਬਾਬਾ ਬੁੱਢਿਆ ਤੂੰ ਇਹ ਸਮਝ ਕਿ