( ੧੦੫ )
ਵਿਚੋਂ ਇਕ ਵੀ ਨਕੰਮੀ ਨਹੀਂ ਨਿਕਲੀ । ਪਹਿਲਾਂ ਓਹਨਾਂ ਨੂੰ ਚੰਗੀ ਤਰ੍ਹਾਂ ਪਰਤਾ ਕੇ ਵੇਖਿਆ ਜਾਂਦਾ ਏ ਤੇ ਜੇ ਓਹ ਫੈਦੇਵੰਦੀਆਂ ਨਿਕਲਣ ਤਾਂ ਫੇਰ ਓਹਨਾਂ ਦਾ ਜ਼ਿਲੇ ਦੇ ਗਜ਼ਟ ਦੀ ਰਾਹੀਂ, ਇਸ਼ਤਿਹਾਰਾਂ ਦੀ ਰਾਹੀਂ, ਗੀਤਾਂ ਦੀ ਰਾਹੀਂ ਤੇ ਤਮਾਸ਼ਿਆਂ ਦੀ ਰਾਹੀਂ ਪਰਚਾਰ ਕੀਤਾ ਜਾਂਦਾ ਏ।
ਲੰਬਰਦਾਰ:-ਮੈਨੂੰ ਤੁਹਾਡੀ ਗੱਲ ਹੁਣ ਸਮਝ ਆਈ ਏ। ਮੈਂ ਪਿੰਡ ਦਾ ਆਗੂ ਹਾਂ ਤੇ ਮੈਨੂੰ ਈ ਅੱਗੇ ਲੱਗਣਾ ਚਾਹੀਦਾ ਏ, ਮੈਂ ਜਤਨ ਕਰਾਂਗਾ।
ਸੁਕਰਾਤ:-ਹੱਛਾ ਤੁਸੀਂ ਸੂਬੇਦਾਰ ਤੇ ਰਸਾਲਦਾਰ ਜੀ, ਤੁਸੀਂ ਆਪਣੀਆਂ ਛਾਤੀਆਂ ਤੇ ਹੱਥ ਮਾਰ ਮਾਰ ਕੇ ਆਪਣੇ ਤਕਮੇ ਵਿਖਾਂਦੇ ਓ ਤੇ ਆਖਦੇ ਓ ਕਿ ਅਸੀਂ ਅੱਗੇ ਹੋ ਕੇ ਫਰਾਂਸ ਤੇ ਮੈਸੋਪਟੇਮੀਆ ਵਿੱਚ ਆਪਣਿਆਂ ਸਾਥੀਆਂ ਨੂੰ ਲੜਾਂਦੇ ਰਹੇ ਹਾਂ। ਹੁਣ ਤੁਸੀਂ ਘਰ ਆ ਕੇ ਆਪਣੇ ਪਿੰਡ ਵਾਲਿਆਂ ਨੂੰ ਅੱਗੇ ਹੋ ਕੇ ਕਿਉਂ ਨਹੀਂ ਲੜਾਂਦੇ?
ਸੂਬੇਦਾਰ:-ਸੁਕਰਾਤ ਜੀ, ਫਰਾਂਸ ਵਿੱਚ ਇੱਕ ਕੰਪਨੀ ਨੂੰ ਅੱਗੇ ਹੋ ਕੇ ਲੜਾਣ ਨਾਲੋਂ, ਏਥੇ ਪਿੰਡ ਵਾਲਿਆਂ ਨੂੰ ਪੁਰਾਣੀਆਂ ਭੈੜੀਆਂ ਰਸਮਾਂ ਦੇ ਵਿਰੁਧ ਲੜਾਣ ਲਈ ਇੱਕ ਵਡੇਰੇ ਸੂਰਮੇ ਦੀ ਲੋੜ ਏ।
ਸੁਕਰਾਤ:-ਸੂਬੇਦਾਰ ਜੀ, ਹਾਂ, ਇਹ ਗੱਲ ਤਾਂ
