ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੮੭ )
ਚੰਗੀਆਂ ਪਿਤਾ ਪੁਰਖੀ ਗੱਲਾਂ
ਤੇ
ਮਾਸਟਰ ਦਾ ਆਦਰਸ਼
ਜ਼ਿਮੀਂਦਾਰ:-ਸੁਕਰਾਤ ਜੀ ਤੁਸੀ ਸਾਡੇ ਪਿੰਡ ਦੀ ਹੇਠਲੀ ਉੱਤੇ ਕਰਨ ਤੇ ਹਰ ਇੱਕ ਚੀਜ਼ ਨੂੰ ਬਦਲਣ ਦਾ ਯਤਨ ਕਰ ਰਹੇ ਓ।
ਸੁਕਰਾਤ:-ਨਹੀਂ ਚੌਧਰੀ ਜੀ, ਪਰ ਜਦ ਮੈਂ ਸਰੀਂਹ ਬੁਰਿਆਈ ਤੇ ਧੱਕੇਸ਼ਾਹੀ ਹੁੰਦੀ ਵੇਖਦਾ ਹਾਂ ਤਾਂ ਮੈਨੂੰ ਡਾਢਾ ਜੋਸ਼ ਆ ਜਾਂਦਾ ਏ ਤੇ ਮੈਂ ਬੋਲਣੋਂ ਰਹਿ ਨਹੀਂ ਸਕਦਾ।
ਜ਼ਿਮੀਂਦਾਰ:-ਤੁਸੀਂ ਹਰ ਵੇਲੇ ਸਾਡੀ ਕੋਈ ਨਾ ਕੋਈ ਸ਼ਕੈਤ ਕਰਦੇ ਤੇ ਸਾਨੂੰ ਝਿੜਕ ਝੰਬ ਕਰਦੇ ਈ ਰਹਿੰਦੇ ਓ।
ਸੁਕਰਾਤ:-ਜਦ ਮੈਂ ਬਹੁਤ ਸਾਰੇ ਭੈੜੇ ਕੰਮ ਹੁੰਦੇ ਵੇਖਦਾ ਹਾਂ ਤਾਂ ਮੈਨੂੰ ਉਲਾਮਾਂ ਦੇਣਾ ਈ ਪੈਂਦਾ ਏ।
ਜ਼ਿਮੀਂਦਾਰ:-ਕੀ ਤੁਸੀ ਸਾਡੀ ਕਦੀ ਕੋਈ ਚੰਗੀ ਗੱਲ ਨਹੀਂ ਡਿੱਠੀ ?
