ਇਹ ਸਫ਼ਾ ਪ੍ਰਮਾਣਿਤ ਹੈ
99
ਤੜਕੇ ਦੀ ਜੀਜਾ ਉਡੀਕ ਦੀ
ਜੀਜਾ ਆਇਆ ਪਿਛਲੀ ਰਾਤ
ਕਿੱਥੇ ਕ ਭੇਡਾਂ ਚਾਰੀਆਂ
ਤੈਨੂੰ ਪੈ ਗਈ ਵੇ ਜੀਜਾ ਮੇਰਿਆ ਰਾਤ
100
ਜੀਜਾ ਜੀਜਾ ਕਰ ਰਹੀ
ਤੂੰ ਮੇਰੇ ਬੁਲਾਇਆਂ ਬੋਲ
ਮੈਂ ਤੇਰੇ ਤੇ ਇਊਂ ਘੁੰਮਾਂ
ਜਿਊਂ ਲਾਟੂ ਤੇ ਘੁੰਮੇ ਡੋਰ
101
ਤੇਰਾ ਵੀ ਬੋਲਿਆ ਜੀਜਾ ਲਿਖ ਧਰਾਂ
ਕੋਈ ਸਜੇ ਕੌਲ਼ੇ ਦੇ ਨਾਲ਼
ਆਉਂਦੀ ਜਾਂਦੀ ਰਹਾਂ ਵਾਚਦੀ
ਗੂੜ੍ਹੇ ਨੈਣਾਂ ਦੇ ਨਾਲ਼
102
ਗੱਡਾ ਵੀ ਜਾਵੇ ਰੜੇ ਰੜੇ
ਕੋਈ ਗੱਡੀ ਜਾਵੇ ਲੀਹ
ਜੇ ਤੂੰ ਐਡਾ ਚਤਰ ਹੈਂ
ਸਾਡੀ ਚੱਕੀ ਬੈਠ ਕੇ ਪੀਹ
103
ਚੱਕੀ ਵੀ ਕੁੜੀਏ ਤੇਰੀ ਭੰਨ ਦੇਵਾਂ
ਕੋਈ ਟੁਕੜੇ ਕਰ ਦੇਵਾਂ ਚਾਰ
ਕੰਤ ਤੇਰੇ ਨੂੰ ਵੇਚ ਕੇ
ਤੈਨੂੰ ਲੈ ਚੱਲਾਂ ਨਾਲ਼
186
