ਇਹ ਸਫ਼ਾ ਪ੍ਰਮਾਣਿਤ ਹੈ
ਭੈਣ ਕਸੀਦੇਦਾਰ
51
ਉੱਚਾ ਬੁਰਜ ਲਾਹੌਰ ਦਾ
ਨੀਵੇਂ ਰੱਖਦੀ ਬਾਰ
ਭੈਣ ਸਾਡੀ ਨੂੰ ਐਂ ਰੱਖਿਓ
ਜਿਵੇਂ ਗਲ਼ ਫੁੱਲਾਂ ਦਾ ਹਾਰ
52
ਤੂੰ ਵੀ ਬੋਲੀ ਘਰ ਆਪਣੇ
ਮੈਂ ਪਛਾਣਿਆਂ ਬੋਲ
ਤੂੰ ਸਿਵਿਆਂ ਦੀ ਭੂਤਨੀ
ਮੈਂ ਬਾਗਾਂ ਦੀ ਕੋਲ
53
ਡੱਬੀ ਸਜਨੋ ਕਨਚ ਦੀ
ਵਿੱਚ ਸੋਨੇ ਦੀ ਤਾਰ
ਜੇ ਤੂੰ ਪੜ੍ਹਿਆ ਫਾਰਸੀ
ਸਾਡੀ ਭੈਣ ਕਸੀਦੇ-ਦਾਰ
54
ਚਕਲ਼ੇ ਪਰ ਚਕਲ਼ੀ
ਚਕਲ਼ੇ ਪਰ ਢੀਮ
ਭੈਣ ਪਿਆਰੀ ਨਾ ਮਿਲੀ
ਖਾ ਮਰਾਂਗੀ ਫੀਮ
55
ਕੋਠੇ ਪਰ ਕੋਠੜੀ
ਉੱਤੇ ਪਾਵਾਂ ਮੱਕੀ
ਜਿੱਥੇ ਭੈਣ ਨੂੰ ਦੇਖ ਲਾਂ
ਘੁੱਟ ਕੇ ਪਾਵਾਂ ਜੱਫੀ
56
ਕੋਠੇ ਪਰ ਕੋਠੜੀ
ਖੜੀ ਸੁਕਾਵਾਂ ਕੇਸ
ਪੈਸੇ ਦੇ ਲੋਭੀ ਮਤ ਬਣਿਓ
ਖ਼ਤ ਪਾਇਓ ਹਮੇਸ਼
177
