ਇਹ ਸਫ਼ਾ ਪ੍ਰਮਾਣਿਤ ਹੈ
ਪੈਸਾ ਵੀ ਕਰਲੀਂ ਬਾਬਾ ਠੀਕਰੀ
44
ਪੈਸਾ ਵੀ ਕਰਲੀਂ ਬਾਬਾ ਠੀਕਰੀ
ਦਿਲ ਕਰ ਲੀਂ ਦਰਿਆ
ਲਾਡਲੇ ਪੋਤੇ ਨੂੰ ਵਿਆਹ ਕੇ
ਸੋਭਾ ਲੈ ਘਰ ਆ
45
ਦੰਮਾਂ ਦਾ ਬੰਨ੍ਹ ਲੈ ਚੌਂਤਰਾ ਬਾਪੂ ਜੀ
ਮੋਹਰਾਂ ਦਾ ਲਾ ਲੋ ਜੀ ਢੇਰ
ਦੰਮ ਬਥੇਰੇ ਆਉਣਗੇ
ਕਦੀ ਸਮਾਂ ਨਾ ਆਵੇ ਫੇਰ
46
ਜੇ ਬਾਬਾ ਤੈਂ ਰਤਨ ਟੋਲ਼ਿਆ
ਰਤਨ ਬੈਠਾ ਮੇਰੇ ਸਾਹਮਣੇ
ਜੇ ਰਤਨ ਵਿੱਚ ਵਿਗਾੜ ਹੋਵੇ
ਉਮਰ ਭਰ ਦੇਊਂਗੀ ਉਲਾਂਭੜੇ
47
ਜਿੱਦਣ ਬੀਬੀ ਤੂੰ ਜਨਮੀ
ਦਿਨ ਸੀ ਮੰਗਲਵਾਰ
ਮਾਪੀਂ ਸੋਭਾ ਪਾ ਗਈ
ਤੂੰ ਨੇਕੀ ਲੈ ਗਈ ਨਾਲ਼
48
ਕੋਠੇ ਤੇ ਦੋ ਬੱਤਕਾਂ
ਕਰਦੀਆਂ ਬੱਤੋ ਬੱਤ
ਧੀਆਂ ਵਾਲ਼ਿਆਂ ਦੀ ਬੇਨਤੀ
ਅਸੀਂ ਬੰਨ੍ਹ ਖੜੋਤੇ ਹੱਥ
49
ਤੇਜੋ ਕੁੜੀਏ ਵੱਟੀਂਂ-ਵੱਟੀਂ ਫਿਰ ਲੈ
ਛੋਲਿਆਂ ਦੇ ਸਾਗ ਨੂੰ ਨੀ
ਬੜਾ ਰੰਗ ਲੱਗ ਗਿਆ
ਰੰਗ ਲਗ ਗਿਆ ਬਾਪੂ ਦੇ ਬਾਗ ਨੂੰ ਨੀ
50
ਆ ਜੋ ਬਈ ਬੈਠ ਜਾਓ
ਹਰੀ ਕਿੱਕਰ ਦੀ ਛੌਂ
ਵਿਹੜਾ ਮੇਰੇ ਬਾਪੂ ਜੀ ਦਾ
ਕੋਈ ਬੈਠੇ ਮਹਾਜਨ ਲੋਕ
176
