ਇਹ ਸਫ਼ਾ ਪ੍ਰਮਾਣਿਤ ਹੈ
22
ਵੀਰਾ ਵੇ ਪਟਵਾਰੀਆ
ਤੂੰ ਜਾਵੇਂ ਕੁਮਲਾ
ਜੇ ਮੈਂ ਹੋਵਾਂ ਬੱਦਲੀ
ਸੂਰਜ ਦੇਵਾਂ ਛੁਪਾ
23
ਆਉਂਦਾ ਵੇ ਵੀਰਾ ਤੂੰ ਸੁਣਿਆਂ
ਰੋੜੇ ਵਾਲ਼ੀ ਢਾਬ
ਵੇ ਤੇਰੇ ਹੇਠ ਵਿਛਾਵਾਂ ਰੇਸ਼ਮੀ
ਤੈਨੂੰ ਝੱਲਾਂ ਪੱਖੇ ਦੀ ਵਾਲ਼
24
ਹੱਥ ਵੇ ਬੰਨ੍ਹਿਆਂਂ ਵੀਰਾ ਕੰਗਣਾ
ਕਿ ਡੌਲ਼ੇ ਬਾਜੂਬੰਦ
ਭਾਈਆਂ ਦੇ ਵਿੱਚ ਇਉਂ ਸੋਹੇਂ
ਜਿਊਂ ਤਾਰਿਆਂ ਵਿੱਚ ਚੰਦ
25
ਡੱਬੀ ਮੇਰੀ ਕੰਚ ਦੀ
ਕੋਈ ਵਿੱਚ ਸਰ੍ਹੋਂ ਦਾ ਸਾਗ
ਹੋਰਾਂ ਦੇ ਮੱਥੇ ਤਿਊੜੀਆਂ
ਮੇਰੇ ਵੀਰ ਦੇ ਮੱਥੇ ਭਾਗ
26
ਡੱਬੀ ਵੀਰਾ ਤੇਰੀ ਕੰਚ ਦੀ
ਵਿੱਚ ਸਰ੍ਹੋਂ ਦਾ ਸਾਗ
ਹੋਰਨਾਂ ਮੱਥੇ ਤਿਊੜੀਆਂ
ਮੇਰੇ ਵੀਰਨ ਦੇ ਮੱਥੇ ਭਾਗ
27
ਕਿਊ ਖੜੈਂ ਵੀਰਾਂ ਕਿਊਂ ਖੜੈਂ
ਕੀਹਦੀ ਕਰਦੈਂ ਆਸ
ਬਾਪ ਜੁ ਤੇਰਾ ਘਰ ਨਹੀਂ
ਤੂੰ ਚਲ ਭਾਈਆਂ ਦੇ ਸਾਥ
28
ਜੁੱਤੀ ਵੇ ਵੀਰਾ ਤੇਰੀ ਜੜਕਣੀ
ਤੁਰੇਂ ਪੱਬਾਂ ਦੇ ਭਾਅ
ਸਿਖਰ ਦੁਪਹਿਰੇ ਚੜ੍ਹ ਚਲਿਐਂ
ਤੈਨੂੰ ਨਵੀਂ ਬੰਨੋ ਦਾ ਚਾਅ
29
ਅੰਦਰ ਵੀ ਲਿੱਪਾਂ ਵੀਰਾ
ਵਿਹੜੇ ਕਰਾਂ ਛੜਕਾ
173
