ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਗ੍ਰਹਿਣੇ ਹੋਏ ਭਾਨ ਦਾ ।
ਕੰਧ ਉੱਤੇ ਪਈਆਂ ਹੋਈਆਂ
ਮੂਰਤਾਂ ਨੇ ਵੇਖ ਮੈਨੂੰ
ਚੁੱਪ ਦੀ ਕਮਾਨੋਂ ਲਾਇਆ
ਤੀਰ ਇਹ ਗਿਆਨ ਦਾ:-
ਅਖੀਆਂ ਦੇ ਕਾਂਟੇ ਵਿਚ
ਅੱਜ ਕੀ ਤੇ ਤੋਲਦਾ ਏਂ ?
ਬਾਦਸ਼ਾਹੀ ਸੌਦਾ ਏਸ
ਉੱਜੜੀ ਦੁਕਾਨ ਦਾ ।
ਸੋਨੇ ਦੀ ਜ਼ਮੀਨ ਕਲ੍ਹ
ਪੈਰ ਜਿਹਦੇ ਚੁੰਮਦੀ ਸੀ,
ਅੱਜ ਓਹਨੇ ਮੱਲਿਆ ਏ
ਵਾਸਾ ਬੀਆਬਾਨ ਦਾ ।
ਮੋਤੀਆਂ ਦਾ ਚੌਰ ਜਿਨੂੰ
ਝੂਲਦਾ ਸੀ ਕੱਲ੍ਹ ਪਿਆ,
ਅੱਜ ਓਹਦੇ ਫੁੱਲਾਂ ਤੇ ਹੈ
ਕਹਿਣਾ ਜਾਲ ਤਾਨਦਾ ।
ਕੱਲ ਜੇਹੜੇ ਸੂਰਮੇ ਦੇ
ਧੌਂਸਿਆਂ ਦੀ ਗੂੰਜ ਨਾਲ,
ਕੰਬਦਾ ਕਲੇਜਾ ਹੈਸੀ
ਜ਼ਿਮੀ ਅਸਮਾਨ ਦਾ ।
ਓਸਦੀ ਸਮਾਧ ਉੱਤੇ
ਤੂੰ ਭੀ ਅੱਜ ਵੇਖ ਲਵੀਂ
ਘਟ ਵਾਙੂੰ ਛਾਯਾ ਹੋਇਆ
ਸਮਾਂ ਚੁੱਪ-ਚਾਨ ਦਾ ।
ਕੰਧ ਉੱਤੇ ਪਈਆਂ ਹੋਈਆਂ
੧੭੨.