ਪੰਨਾ:ਤਲਵਾਰ ਦੀ ਨੋਕ ਤੇ.pdf/39

ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਅੰਮ੍ਰਿਤ ਦੀ ਬਰਕਤ

ਅੰਮ੍ਰਿਤ ਉਹ ਗੁੱਝਾ ਜਾਦੂ ਹੈ,
ਜਿਸ ਗਿਦੜੋਂ ਸ਼ੇਰ ਬਣਾਇਆ ਸੀ ।
ਯਾ, ਉਹ ਸੰਜੀਵਨੀ ਬੂਟੀ ਹੈ,
ਜਿਸ ਲਛਮਨ ਬੀਰ ਜਿਵਾਇਆ ਸੀ
ਇਹ ਕਰਾਮਾਤ ਜਗਦੀਸ਼ ਦੀ ਹੈ,
ਜੋ ਮੁਰਦੇ ਤਾਈਂ ਜਿਵਾਂਦੀ ਹੈ ।
ਨੂੰ ਇਹ ਰੱਬੀ ਹਿਕਮਤ ਹੈ ਜੇਹੜੀ,
ਚਿੜੀਆਂ ਤੋਂ ਬਾਜ ਤੁੜਾਂਦੀ ਹੈ ।
ਏਹ ਉਹ ਗੁੜ੍ਹਤੀ ਹੈ ਜੇਹੜੀ ਕਿ,
ਸ਼ੇਰਾਂ ਦੇ ਬੱਚੇ ਪੀਂਦੇ ਨੇ ।
ਏਹ ਉਹ ਜੀਵਨ ਦੀ ਜੁਗਤੀ ਹੈ,
ਪਿੰਗਲੇ ਜਿਸ ਨੂੰ ਪੀ ਜੀਂਦੇ ਨੇ ।
ਇਹ ਸ਼ਹਿਦ ਜੋ ਖਾ ਕੇ ਤਲੀਆਂ ਤੇ,
ਪੈਦਾ ਹੁੰਦੇ ਦੀਵਾਨੇ ਨੇ ।
ਏਸੇ ਦੇ ਟੁੰਬਿਆਂ ਦੀਵੇ ਤੇ,
ਤਿੜ ਤਿੜ ਮਰਦੇ ਪ੍ਰਵਾਨੇ ਨੇ।
ਏਹ ਉਹ ਗੁੜ੍ਹਤੀ ਹੈ ਜਿਹੜੀ ਕਿ,
ਜ਼ੋਰਾਵਰ ਤਾਈਂ ਪਿਲਾਈ ਸੀ ।
ਏਹ ਉਹ ਤਾਕਤ ਹੈ ਜਿਸ ਨੇ,
ਨਲੂਏ ਦੀ ਧਾਂਕ ਬਿਠਾਈ ਸੀ ।
ਐਵੇਂ ਨਹੀਂ ਅਟਕ ਸੀ ਅਟਕਯਾ,
ਰਣਜੀਤ ਬਹਾਦਰ ਸੂਰੇ ਨੇ।
-੩੫-