ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਨਿਕਲ ਜਾਏ ਨਾ ਕੋਈ ਸੁਆਸ ਮੇਰਾ,
ਤੇਰੇ ਚਰਨ ਫੜ ਕੇ ਸੌ ਸੌ ਵਾਰ ਚੁੰਮਾਂ।
ਗੁਰੂ ਤੇਗ ਬਹਾਦਰ ਨੇ ਧਰਮ ਖਾਤਰ,
ਦਿਲੀ ਵਿਚ ਜਾ ਸੀਸ ਕਟਵਾ ਦਿਤਾ।
ਦਿਤਾ ਸੀਸ ਪਰ ਸਿਦਕ ਵਿਸਾਰਿਆ ਨਾ,
ਸਬਕ ਸਿਖਾਂ ਨੂੰ ਇਹ ਸਿਖਾ ਦਿਤਾ।
ਡਾਢਾ ਹੋਇਆ ਮੁਕਾਬਲਾ ਹਿੰਦ ਅੰਦਰ,
ਮੁਸਲਮਾਨਾਂ ਭੀ ਜ਼ੁਲਮ ਮਚਾ ਦਿਤਾ।
ਕਲਗੀਧਰ ਜੀ 'ਵੀਰ' ਨਾ ਸ਼ੋਕ ਕੀਤਾ,
ਕੁਲ ਸਰਬੰਸ ਸ਼ਹੀਦ ਕਰਵਾ ਦਿਤਾ।
ਸਾਹਿਬਜ਼ਾਦਿਆਂ ਲਾਲਾਂ ਦੀ ਦੇਖ ਫੋਟੋ,
ਦਿਲ ਕਰਦਾ ਏ ਸੋਹਣੀ ਦਸਤਾਰ ਚੁੰਮਾਂ।
ਤੇਰੇ ਸਿਦਕੀਆਂ ਦੀ ਚਰਨ ਧੂੜ ਲੈਕੇ,
ਇਕ ਵਾਰ ਚੁੰਮਾਂ ਸੌ ਸੌ ਵਾਰ ਚੁੰਮਾਂ।
ਵਿਧਵਾ
ਇਕ ਦਿਨ ਬਾਗ ਦੇ ਅੰਦਰ ਯਾਰੋ,
ਦੇਖਿਆ ਸਰੂ ਦਾ ਬੂਟਾ।
ਠੰਢੀ ਠੰਢੀ ਹਵਾ ਸੀ ਚਲਦੀ,
ਲੈਂਦਾ ਸਰੂ ਸੀ ਝੂਟਾ।
ਓਥੇ ਇਕ ਮੁਟਿਆਰ ਮੈਂ ਦੇਖੀ,
ਕੇਸ ਗਲੀਂ ਲਟਕਾਏ।
ਸੁੰਦਰਤਾ ਦੀ ਭਰੀ ਉਹ,
ਝਲਕ ਨਾ ਝਲੀ ਜਾਏ।
-੨੫-