ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
(੯੮)
ਅਜੇ ਵੀ ਮੰਨ ਜਾਹ, ਆਪ ਮੁਸਲਮਾਨ ਹੋ ਜਾਹ ਅਤੇ ਆਪਣੀ ਵਹੁਟੀ ਰਣਜੀਤ ਕੌਰ ਨੂੰ ਆਪਣੀ ਹੱਥੀ ਮੇਰੇ ਹਵਾਲੇ ਕਰ ਦੇਹ ਨਹੀਂ ਤਾਂ ਤੁਹਾਨੂੰ ਦੋਹਾਂ ਨੂੰ ਏਸੇ 'ਜਿੰਨੇ ਦੋਜ਼ਖ' ਦੀ ਭੇਟਾ ਕਰ ਦਿੱਤਾ ਜਾਵੇਗਾ"। ਰਣਜੀਤ ਕੌਰ ਨੇ ਜਿਸ ਵੇਲੇ ਦਿਲਜੀਤ ਸਿੰਘ ਦਾ ਨਾਮ ਅਤੇ ਸੁਲੇਮਨ ਦੇ ਰੋਮ ਰੋਮ ਕੰਬਾ ਦੇਣ ਵਾਲੇ ਵਾਕ ਸੁਣੇ ਅਤੇ ਬਹਾਦਰ ਦਿਲਜੀਤ ਸਿੰਘ ਦੀ ਮੁਰਦਿਆਂ ਵਾਲੀ ਸ਼ਕਲ ਨੀਝ ਲਾ ਕੇ ਦੇਖੀ ਤਾਂ ਉਸਦਾ ਸਬਰ ਸੰਤੋਖ ਜਾਂਦਾ ਰਿਹਾ, ਉਸਨੂੰ ਐਉਂ ਮਲੂਮ ਹੋਇਆ ਮਾਨੋਂ ਉਸ ਦੇ ਸਰੀਰ ਅਸਮਾਨ ਵਲ ਉਡਦਾ ਜਾ ਰਿਹਾ ਹੈ, ਉਹ ਬੇ ਅਖਤਿਆਰ ਹੋ ਕੇ ਨੱਸ ਉਠੀ ਅਤੇ ਇਕ ਚੀਕ ਮਾਰਕੇ "ਪਿਆਰੇ ਪ੍ਰਾਣਪਤੀ" ਕਹਿੰਦੀ ਹੋਈਹੱਥ ਕੜੀਆਂ ਬੇੜੀਆਂ ਨਾਲ ਜਕੜੇ ਹੋਏ ਦਿਲਜੀਤ ਸਿੰਘ ਦੇ ਚਰਨਾਂ ਤੇ ਡਿਗ ਪਈ ਅਤੇ ਡਿਗਦਿਆਂ ਸਾਰ ਬੇਸੁਰਤ ਹੋ ਗਈ॥
ਕਾਂਡ-੧੦
ਉਪਰਲੇ ਹਾਲਾਂ ਨੂੰ ਚਾਰ ਦਿਨ ਬੀਤ ਗਏ, ਅਜ ਰਣਜੀਤ ਕੌਰ ਦੀ ਮੋਹਲਤ ਦੇ ਦਿਨ ਪੂਰੇ ਹੋ ਗਏ ਹਨ
