ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਕਾਕਾ-ਚੰਗਾ, ਜੀ! ਚਲੋ।
ਦੋਵੇਂ ਪਿਉ ਪੁੱਤ ਸ਼ਹਿਰੋਂ ਬਾਹਰ ਜਾ ਨਿਕਲੇ। ਪਹਿਲਾਂ ਕਣਕ ਦੇ ਖੇਤ ਨਜ਼ਰ ਆਏ ਜਿਨ੍ਹਾਂ ਵਿਚ ਕਿਧਰੇ ਕਿਧਰੇ ਸਰ੍ਹੋਂ ਭੀ ਫੁੱਲੀ ਹੋਈ ਸੀ।
ਕਾਕਾ-ਭਾਈਆ ਜੀ! ਇਹ ਹਰੀ ਹਰੀ ਕੀ ਚੀਜ਼ ਹੈ?
ਗਿਆਨ ਸਿੰਘ-ਜਿਸ ਦੀ ਤੂੰ ਨਿੱਤ ਰੋਟੀ ਖਾਂਦਾ ਹੈ।
ਕਾਕਾ-ਕਣਕ ਇਹੋ ਹੈ?
ਗਿਆਨ ਸਿੰਘ-ਇਹੋ ਹੈ।
ਕਾਕਾ-ਇਸ ਦੀਆਂ ਸਿੱਟੀਆਂ ਨਹੀਂ?
ਗਿਆਨ ਸਿੰਘ-ਅਜੇ ਇਹ ਕੱਚੀ ਹੈ। ਜਦ ਵੱਡੀ ਹੋਵੇਗੀ ਤਾਂ ਸਿੱਟੀਆਂ ਪੈਣਗੀਆਂ।
ਕਾਕਾ-ਤੇ ਇਹ ਪੀਲੀ ਪੀਲੀ ਕੀ ਚੀਜ਼ ਹੈ?
ਗਿਆਨ ਸਿੰਘ-ਇਹ ਸਰੋਂ ਹੈ। ਤੈਨੂੰ ਯਾਦ ਹੈ ਕਿ ਨਹੀਂ, ਤੈਨੂੰ ਦਸਿਆ ਸੀ ਕਿ ਕਈ ਕਿਆਰੇ ਮਿਲ ਕੇ ਖੇਤ ਹੋ ਜਾਂਦਾ ਹੈ। ਸੋ ਵੇਖ ਲੈ।
੫੨