ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਗਿਆਨ ਸਿੰਘ-ਹੱਛਾ! ਰੋਟੀ ਕਣਕ ਦੀ ਹੀ ਬਣਦੀ ਹੈ ਕਿ ਹੋਰ ਕਿਸੇ ਵਸਤ ਦੀ ਭੀ?
ਕਾਕਾ-ਹੋਰ ਭੀ ਕਈ ਚੀਜ਼ਾਂ ਦੀ ਬਣਦੀ ਹੈ। ਬਾਜਰੇ ਦੀ, ਜੁਆਰ ਦੀ, ਮੱਕੀ ਦੀ, ਛੋਲਿਆਂ ਦੀ, ਚਾਵਲਾਂ ਦੀ।
ਗਿਆਨ ਸਿੰਘ- ਹੱਛਾ ਕਣਕ ਕਿੱਥੋਂ, ਆਉਂਦੀ ਹੈ?
ਕਾਕਾ-ਬਜਾਰੋਂ ਆਉਂਦੀ ਹੈ।
ਗਿਆਨ ਸਿੰਘ-ਬਜ਼ਾਰੋਂ ਕਿੱਥੋਂ ਆਉਂਦੀ ਹੈ?
ਕਾਕਾ-ਵਾਹਿਗੁਰੂ ਜਾਣੇ!
ਗਿਆਨ ਸਿੰਘ-ਵਾਹ ਭਈ ਵਾਹ! ਤੂੰ ਵੀ ਆਖੇਗਾ, ਮੈਂ ਆਦਮੀ ਹਾਂ। ਭਲਾ, ਵਾਹਿਗੁਰੂ ਦੇ ਘਰ ਕਣਕ ਦੀ ਖੇਤੀ ਹੁੰਦੀ ਹੈ? ਬਜ਼ਾਰ ਵਿਚ ਤਾਂ ਖੇਤਾਂ ਤੋਂ ਆਉਂਦੀ ਹੈ।
ਕਾਕਾ-ਹੱਛਾ ਫੇਰ ਖੇਤ ਵਿੱਚ ਕਿੱਥੋਂ ਆਈ?
ਗਿਆਨ ਸਿੰਘ-ਖੇਤ ਵਿਚ ਪੈਦਾ ਹੋਈ।
ਕਾਕਾ-ਖੇਤ ਕੌਣ ਹੈ? ਮੈਂ ਤਾਂ ਖੇਤ ਨੂੰ ਜਾਣਦਾ ਭੀ ਨਹੀਂ।
੨੮
