ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਕਾਕਾ-ਲਾਲ ਲਾਲ ਤਾਂ ਇੱਟ ਵਰਗੀ ਹੈ ਅਤੇ ਵੱਡੀ ਤਾਂ ਉਸ ਨਾਲੋਂ ਭੀ ਬਹੁਤ ਹੈ।
ਪਿਤਾ-ਬੱਚੂ! ਪੱਥਰ ਤਾਂ ਇਸ ਨਾਲੋਂ ਭੀ ਬਹੁਤ ਵੱਡੇ ਵੱਡੇ ਹੁੰਦੇ ਹਨ। (ਦਾਲਾਨ ਦਾ ਥੰਮ੍ਹ ਵਿਖਾਲ ਕੇ) ਵੇਖ ਤਾਂ ਇਹ ਭੀ ਉਸ ਦੇ ਨਾਲ ਦਾ ਹੈ ਕਿ ਨਹੀਂ?
ਕਾਕਾ-ਤੇ ਇੱਟਾਂ ਕਿੱਥੋਂ ਆਉਂਦੀਆਂ ਹਨ?
ਪਿਤਾ-ਭੱਠਿਆਂ ਤੋਂ।
ਕਾਕਾ-ਇਨ੍ਹਾਂ ਨੂੰ ਕੌਣ ਬਣਾਉਂਦਾ ਹੈ?
ਪਿਤਾ-ਕੁਮ੍ਹਿਆਰ।
ਕਾਕਾ-ਉਹੋ ਜਿਹੜਾ ਘੜੇ ਲਿਆਉਂਦਾ ਹੈ?
ਪਿਤਾ-ਨਹੀਂ, ਉਹ ਹੋਰ ਕੁਮ੍ਹਿਆਰ ਹੁੰਦੇ ਹਨ। ਉਹ ਨਿਰੀਆਂ ਇੱਟਾਂ ਬਣਾਉਂਦੇ ਹਨ।
ਕਾਕਾ-ਉਹ ਭੀ ਮਨੁੱਖ ਹੁੰਦੇ ਹੋਣਗੇ?
ਪਿਤਾ-ਆਹੋ। ਜਿੱਦਾਂ ਦਾ ਤੂੰ ਹੈਂ।
ਕਾਕਾ-ਫੇਰ ਮੈਂ ਤਾਂ ਇੱਟਾਂ ਨਹੀਂ ਬਣਾ ਜਾਣਦਾ।
ਪਿਤਾ-ਮੈਂ ਤੈਨੂੰ ਸਿਖਾਲ ਦਿਆਂਗਾ।
ਕਾਕਾ-ਫੇਰ ਸਿਖਾਲੋ।
੧੯
