ਇਹ ਸਫ਼ਾ ਪ੍ਰਮਾਣਿਤ ਹੈ
687
ਸਾਰਾ ਪਿੰਡਾ ਖੱਦਰ ਨੇ ਖਾਧਾ
ਬੋਸਕੀ ਲਿਆ ਦੇ ਮੁੰਡਿਆ
688
ਸਾਨੂੰ ਧੱਫੜ ਖੱਦਰ ਨੇ ਪਾਏ
ਸੂਟ ਲੈ ਦੇ ਮਲਮਲ ਦਾ
689
ਖੱਟੇ ਸੂਟ ਤੇ ਪਸ਼ਮ ਦੀਆਂ ਤਣੀਆਂ
ਬੁੱਢੜੇ ਵੀ ਕੱਢਣ ਬੈਠਕਾਂ
690
ਚਿੱਤ ਕਰਦੇ ਬੁੱਢੇ ਦਾ ਰਾਜ਼ੀ
ਉੱਤੇ ਲੈ ਕੇ ਲਾਲ ਡੋਰੀਆ
691
ਪੈਰਾਸ਼ੂਟ ਦੀ ਸਮਾਦੂੰ ਕੁੜਤੀ
ਖੜ੍ਹ ਕੇ ਗਲ ਸੁਣ ਜਾ
692
ਮੈਨੂੰ ਬੋਸਕੀ ਦਾ ਸੂਟ ਸਮਾ ਦੇ
ਭੁੱਲਾਂ ਨਾ ਹਸਾਨ ਮਿੱਤਰਾ
693
ਮੇਰਾ ਡਿੱਗਿਆ ਰੁਮਾਲ ਫੜਾ ਜਾ
ਡੰਡੀ ਡੰਡੀ ਜਾਣ ਵਾਲਿਆ
694
ਲੌਂਗ
ਸੱਗੀ ਫੁੱਲ ਸਰਕਾਰੀ ਗਹਿਣਾ
ਤੀਲੀ ਲੌਂਗ ਕੰਜਰਾਂ ਦੇ
695
ਡੁੱਬ ਜਾਣ ਘਰਾਂ ਦੀਆਂ ਗਰਜ਼ਾਂ
ਲੌਂਗ ਕਰਾਉਣਾ ਸੀ
696
ਤੇਰੇ ਲੌਂਗ ਦਾ ਪਿਆ ਲਸ਼ਕਾਰਾ
ਹਾਲ਼ੀਆਂ ਨੇ ਹਲ਼ ਡੱਕ ਲਏ
ਗਾਉਂਦਾ ਪੰਜਾਬ:: 97