ਇਹ ਸਫ਼ਾ ਪ੍ਰਮਾਣਿਤ ਹੈ
402
ਮੇਰੇ ਯਾਰ ਨੂੰ ਮੰਦਾ ਨਾ ਬੋਲੀਂ
ਮੇਰੀ ਭਾਮੇਂ ਜਿੰਦ ਕੱਢ ਲੀਂ
403
ਦੇ ਗਿਆ ਰੁਮਾਲ ਕੱਢਣਾ
ਮੇਰੇ ਚਿੱਤ ਨੂੰ ਚਿਤਮਣੀ ਲਾਈ
404
ਝੂਠੀ ਪੈ ਗੀ ਬਚਨਾਂ ਤੋਂ
ਮੱਥੇ ਯਾਰ ਦੇ ਲੱਗਿਆ ਨਾ ਜਾਵੇ
405
ਕਿਹੜੇ ਰਾਹ ਮੁਕਲਾਵੇ ਜਾਵਾਂ
ਮਿੱਤਰਾਂ ਦੇ ਹਲ਼ ਚੱਲਦੇ
406
ਸੁਹਣੇ ਯਾਰ ਨੇ ਕੁਵੇਲੇ ਅੱਖ ਮਾਰੀ
ਔਖੀ ਹੋ ਗੀ ਕੰਧ ਟੱਪਣੀ
407
ਸੁਹਣਾ ਚਿੱਟਿਆਂ ਦੰਦਾਂ ਨਾਲ਼ ਹੱਸ ਕੇ
ਲੈ ਗਿਆ ਮੇਰੀ ਜਿੰਦ ਕੱਢ ਕੇ
408
ਗੋਦੀ ਚੁੱਕ ਲੈ ਮਲਾਹਜੇਦਾਰਾ
ਨੱਚਦੀ ਦੇ ਪੈਰ ਘਸ ਗੇ
409
ਮੇਰਿਆ ਖੰਡ ਦਿਆ ਖੇਲਣਿਆ ਯਾਰਾ
ਲੰਘ ਜਾ ਬਾਜ਼ਾਰ ਵਿਚ ਦੀਂ
410
ਤਾਹਨਾ ਤੇਰਾ ਤੀਰ ਮਿੱਤਰਾ
ਮੇਰੇ ਅਜੇ ਵੀ ਕਲੇਜੇ ਵਿਚ ਰੜਕੇ
411
ਤੇਰੇ ਲੱਗਦੇ ਨੇ ਬੋਲ ਪਿਆਰੇ
ਚੌਕੀਦਾਰਾ ਲੈ ਲੈ ਮਿੱਤਰਾ
412
ਹੱਥ ਤੇਰਾ ਕਾਲਜਾ ਮੇਰਾ
ਕੱਢ ਲੈ ਰੁੱਗ ਭਰ ਕੇ
ਗਾਉਂਦਾ ਪੰਜਾਬ:: 69