ਇਹ ਸਫ਼ਾ ਪ੍ਰਮਾਣਿਤ ਹੈ
347
ਤੰਦ ਚਰਖੇ ਨਾ ਪਾਵੇਂ
ਪਟਦੀ ਸ਼ੁਕੀਨੀ ਨੇ
348
ਬੀਹੀ ਵਿਚ ਨਾ ਪੰਘੂੜ੍ਹਾ ਡਾਹੀਏ
ਪਿਓਕੇ ਪਿੰਡ ਕੁੜੀਏ
349
ਰੰਨ ਝਾਕਾ ਦੇਣ ਦੀ ਮਾਰੀ
ਡੰਡੀਓਂ ਵੱਟ ਪੈ ਗੀ
350
ਲੱਛੀ ਕੁੜੀ ਮਹਿਰਿਆਂ ਦੀ
ਘੜਾ ਚੱਕਦੀ ਨਾਗ ਵਲ ਖਾਵੇ
351
ਛੋਟਾ ਘੜਾ ਚੱਕ ਲੱਛੀਏ
ਤੇਰੇ ਲੱਕ ਨੂੰ ਜ਼ਰਬ ਨਾ ਆਵੇ
352
ਹੁਸਨ ਜੁਆਨੀ ਅਰ ਮਾਪੇ
ਤਿੰਨ ਰੰਗ ਨਹੀਂ ਲੱਭਣੇ
353
ਕਾਲ਼ੇ ਰੰਗ ਦੀ ਵਿਕੇ ਪਨਸੇਰੀ
ਗੋਰਾ ਰੰਗ ਰੱਤੀਏਂ ਵਿਕੇ
354
ਗੋਰੇ ਰੰਗ ਨੇ ਸਦਾ ਨੀ ਰਹਿਣਾ
ਭਰ ਭਰ ਵੰਡ ਮੁੱਠੀਆਂ
355
ਰੋੜ੍ਹ ਰੋੜ੍ਹ ਵੇ ਰੱਬਾ
ਇਨ੍ਹਾਂ ਸੋਹਣਿਆਂ ਦੀ ਰੜਕ ਮਰੋੜ ਵੇ ਰੱਬਾ
356
ਰੱਬਾ ਚੱਕ ਲੈ ਕਿਸੇ ਦੀ ਆਈ
ਬਿਨ ਮੁਕਲਾਈਆਂ ਨੂੰ
357
ਗੋਰਾ ਰੰਗ ਟਿੱਬਿਆਂ ਦਾ ਰੇਤਾ
ਵਾ ਆਈ ਉਡਜੂ ਗਾ
ਗਾਉਂਦਾ ਪੰਜਾਬ:: 63