ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
1115
ਮੈਨੂੰ ਬਾਣੀਆਂ ਲੰਘਣ ਨਾ ਦੇਵੇ
ਮੁੱਲ ਤੇਰੀ ਜਾਕਟ ਦਾ
1116
ਭਾੜਾ ਨਿਤ ਦਾ ਭਰਿਆ ਨਾ ਜਾਵੇ
ਘਰ ਪਾ ਲੈ ਟੇਸਣ ਤੇ
1117
ਤੇਰੀ ਚੀਨ ਦੀ ਖੱਟੀ ਦਾ ਮੂੰਹ ਭੰਨਣੂੰ
ਜੰਮ ਕੇ ਨੌਂ ਕੁੜੀਆਂ
1118
ਜੇ ਤਾਂ ਹੈਨੀ ਤਾਂ ਹੁਦਾਰਾ ਲੈ ਕੇ ਦੇ ਦੇ
ਇਹਨੂੰ ਦੇ ਦੇਂ ਮੱਕੀ ਵੇਚ ਕੇ
1119
ਇਕ ਮੋੜ ਕੇ ਜੇਬ ਵਿਚ ਪਾ ਲੈ
ਇਕ ਤੇਰਾ ਲੱਖ ਵਰਗਾ
1120
ਗੋਦੀ ਮੁੰਡਾ ਤੇ ਚੜ੍ਹੀ ਨੂੰ ਚੱਲੀ
ਸਬਰ ਬਚੋਲੇ ਨੂੰ
1121
ਪਿੰਡਾਂ ਵਿਚ ਭੰਗ ਭੁੱਜਦੀ
ਸ਼ਹਿਰ ਚੱਲੀਏ ਮਜੂਰੀ ਕਰੀਏ
1122
ਤੇਰੀ ਹਾੜ੍ਹੀ ਨੂੰ ਵਕੀਲਾਂ ਖਾਧਾ
ਸਾਉਣੀ ਤੇਰੀ ਸ਼ਾਹਾਂ ਲੁੱਟ ਲੀ
1123
ਚਿੱਟੇ ਚਾਦਰੇ ਜ਼ਮੀਨਾਂ ਗਹਿਣੇ
ਪੁੱਤ ਸਰਦਾਰਾਂ ਦੇ
1124
ਹਾੜ੍ਹੀ ਵੱਢ ਕੇ ਚੜ੍ਹੀ ਨੂੰ ਜਾਣਾ
ਜੱਟ ਦੀ ਜੂਨ ਬੁਰੀ
1125
ਡੁੱਬ ਜਾਣ ਘਰਾਂ ਦੀਆਂ ਗਰਜਾਂ
ਲੌਂਗ ਕਰਾਉਣਾ ਸੀ
148 :: ਗਾਉਂਦਾ ਪੰਜਾਬ